Levitico 2:13 - Ing Mayap a Balita Biblia

¹³ Dinan yung asin ing balang ain-a-binutil a yayain yu, uling pawaga na ning asin ing kasunduan a tenguanan yu king Dios. (Inya sukat yung sangkapan asin ing sablang ain.)

Levitico 2:13 Iomraidhean Croise

2 Cronica 13:5

E yu wari balu king ing Ginu, ing Dios ning Israel, ginawa yang alang kapupusan a kasunduan kang David at karing anak na king maging ari la king kapilan pa man?

Ezra 7:22

Dinan yeng anggang pitung libu at limang dalan a librang pilak, limang dalan a takal a trigu, limang dalan at limang pulung galun a alak, limang dalan at limang pulung galun a larung olibo, at asin anggang bisa ya.

Exodo 30:35

Ila deti ring gamitan mu para gawa kang insenso, antimo nung makananu kang gagawang pabanglu. Dinan mung asin ban maging puru at banal.

Ezekiel 43:24

Iyain mu la kanaku, ing Ginu; ding pari ilang mamubud asin kareti at dulukan da la bilang ain para kanaku.

Ding Bilang 18:19

Babie ku keka at karing anak mu ing sabla rang makabukud a ain a babie da kanaku ding Israelita bilang katuliran yu king kapilan pa man. Iti ing kasunduan ku kekayu a manatili king kapilan pa man.

Mateo 5:13

Ikayu ing asin ning yatu. Nung milako kalat ing asin, makananu mu pang abalik ing kalat na? Ala nang kasilbian. Inya miyugse na mu king lual king daramusakan da ring tau.

Colosas 4:6

Pane sanang makawili ing pamagsalita yu at pibuburian at kailangan kayung biasang munie ustung pakibat karing sablang mangutang kekayu.