Levitico 2:10 - Ing Mayap a Balita Biblia

¹⁰ Mangaintulid king paring i Aaron at karing anak na ing mitagan king ain. Iti sagradu uling dake na ning ain a miyain kanaku, ing Ginu.

Levitico 2:10 Iomraidhean Croise

2 Cronica 31:14

I Kore a Levitang anak nang Imna at bante king Pasbul dalan dane Aslagan ning Templo, ya ing mamahala karing kusang lub a ain at ya naman ing magrasyun kareti.

Ezra 2:63

Sinabi na karela ning gobernador king e la malyaring mangan king pamangan a miyain king Dios anggang e na asangguni ning pari iting bage king kapamilatan na ning Urim at Tumim.

Ezekiel 44:29

Ila ding mangan karing ain-a-binutil, karing ain-a-kapamayaran-king-kasalanan, at karing ain-a-kapaglarinan-king-kasalanan. Maging bandi ra ing sablang bage king Israel a mitalaga para kanaku, ing Ginu.

Ezekiel 46:20

Kaybat ngana kanaku, Iti ya ing lugal nung nu da la pabukalan ding pari ing ain-a-durulukan, at ing ain-a-kapamayaran-king-kasalanan, at nung nu da la yoyornu ding ain-a-binutil. Ala lang lulual ban e la manasakit ding tau king kasagraduan da reti.

Levitico 10:12

Ngana namang migsalitang Moises kang Aaron at karing adua nang anak a mitagan, i Eleazar at i Itamar, Kuanan yu itang arinang mitagan king ain-a-pamangan a miyain king Ginu. Gawan yu iting tinape alang lebadura at kanan yu king lele na ning altar uling iti binang banal.

Levitico 14:13

Paten ne kanita ing biserung tupa king banal a lugal nung nu ra la papaten ding animal a miyayain para king ain-a-kapamayaran-king-kasalanan ampon ding para karing ain-a-durulukan. Daptan na iti uling ing ain-a-kapaglarinan-king-kasalanan anti ya king ain-a-kapamayaran-king-kasalanan, mangaintulid ya king pari. Iti metung a bage sagradu.

Levitico 2:3

Mangaintulid karing pari ing mitagan king ain-a-binutil. Iti sagradu uling dake na ning ain a miyain kanaku, ing Ginu.

Levitico 21:22

Malyari yang mangan king kakanan a miyain kanaku, maging king sagradu o mas sagradung ain-a-pamangan.

Levitico 5:13

King anti kaniting paralan na iyain ning pari ing ain-a-kapamayaran-king-kasalanan ning mikasala, at mipatawaran ne man. Mangaintulid king pari ing mitagan king ain, antimo ing mararapat king pamiyain ain-a-binutil.

Levitico 6:16

Mangaintulid karing pari ing mitagan king ain.

Levitico 6:23

Iting ain-a-binutil a iyain ning pari sukat ngang dulukan kabilugan; e malyaring kanan iti.

Levitico 6:9

Sabian mu la kang Aaron at karing anak nang lalaki deting tuntunan tungkul karing ain-a-durulukan. Sukat yang manatiling kabukas ing metung a ain-a-durulukan king altar a ating aping e matatda.

Levitico 7:7

Ating metung a tuntunan tungkul karing ain-a-kapamayaran-king-kasalanan at king ain-a-kapaglarinan-king-kasalanan. Mangaintulid ing karni king paring mangasiwa.

Ding Bilang 18:9

Keka at karing anak mu ing makatuking peka sagradung e meduluk king altar: ding ain-a-binutil, ding ain-a-kapamayaran-king-kasalanan o ain-a-kapaglarinan-king-kasalanan. Mangaintulid keka iting ain at karing anak mung lalaki.

1 Samuel 2:28

Karing sabla nang tribu ning Israel pinili keng maging kanakung pari ban mangasiwa king kanakung altar, duluk insenso, at magdala king efod arapan ku; at king pamilya ning penibatan mu karin ku la tituk ding sablang ain-a-durulukan a idala da ring Israelita.