Levitico 19:9 - Ing Mayap a Balita Biblia

⁹ Neng papalut na kayu king kekayung marangle, e yu pakipalut itang atyu king lele nang angganan ning gabun yu, at e yu na babalikan pa itang melakuan.

Levitico 19:9 Iomraidhean Croise

Levitico 19:10

E yu la ngan agtalan ding bunga da ring ubas yu o pupulutan ding menabu king gabun; lakuan yu na la para karing pakakalulu at dayuan. Aku ing Ginung kekayung Dios.

Levitico 19:8

Mikasala ya ing ninumang mangan kaniti, uling kalapastanganan ita king metung a sagradung bage. Itiwalag ke king balen ku ing ninumang labag kaniti.

Levitico 23:10

Sabian mu munaman karing memalen na ning Israel king potang manuknangan na la king gabun a babie ku karela ing ibie ra sa king pari balang mupul la ya ing mumunang kaptas a binutil na ning pupul da.

Levitico 23:22

Potang palutan yu na ing tenam yu, e yu pakipalut ing binutil karing angganan na ning asikan yu, at e yu na babalikan pa itang melakuan a makibunga. Paburen yu na ita para karing taung pakakalulu at dayuan. Aku ing Ginung kekayung Dios.

Levitico 23:29

Mitiwalag ya ing ninumang mangan nanuman king aldong ita.

Ruth 2:15

Nganang minie bilin Boaz karing talapagobra na inyang meko ya i Ruth ban isundu ing pamamulut, Paburen yeng mamulut agyang karing libutad da ring tropa; e ye babawalan.

Ruth 2:2

Misan a aldo nganang Ruth, ing tau Moab, king katuangan nang i Naomi, Paintulutan mu ku sanang munta king marangle ban mamulut tinalage sebada a alakuan da ring papalut. Karin ku ketang ninumang munie kapaintulutan mamulut ku. Pekibat nang Naomi, Wa, anak.

Ruth 2:8

Linapit ya i Boaz at ngana kang Ruth, Makiramdam ka king sabian ku keka. E na ka pupunta kareng aliwang marangle ban mamulut. Manatili na ka keting kayabe da ring kanakung talapagobrang babai.