Levitico 19:5 - Ing Mayap a Balita Biblia

⁵ Nung miyayain kayung ain-ning-pamisulusulu kanaku, ing Ginu, tukian yu la ding tuntunan a binie ku kekayu ban tanggapan ku ing ain yu.

Levitico 19:5 Iomraidhean Croise

2 Cronica 31:2

Pasibayu neng telakad Aring Hezekia ing katipunan da ring pari at Levita ban agampanan da ing karelang sarasariling katungkulan. Atin karelang minie ain-a-durulukan, ating minie ain-a-kapasalamatan at kapurian, at ating sasaup king kasuyuan pamanyamba. Ding aliwa naman talapagkanta lang kapurian karing miyayaliwa nang lugal king Templo ning Ginu.

Exodo 24:5

Kaybat mitubud yang mapilan a kayanakan a lalaki ban duluk karing ain para king Ginu at miyain mapilan a baka bilang ain-sakripisyung-pisulusuluan.

Ezekiel 46:12

Neng magdala yang kusang-lub a ain ing prinsipi para king Ginu, durulukan yang kabilugan o ain-ning-pamisulusulu, ibuklat ya para dalanan na itang pasbul dalan dane aslagan a papunta king patyung atyu kilub. Iyain na ing ain na nung makananu yang miyayain neng Aldo ning Sabbath. Kaybat nang linual, isara ya ing pasbul dalan.

Ezekiel 46:2

Lungub ya ing prinsipi manibat king patyung atyu king kilual papunta king kuartung palub king pasbul, at talakad ya lele da ring asias ning pasbul kabang ding pari durulukan da lang kabilugan ding ain-sakripisyu na at ding ain-ning-pamisulusulu. Karin ketang pasbul ya samba at kaybat na nita lumual ne. E ya sasara ing pasbul dalan angga itang bengi.

Levitico 1:3

Malyari yang kumang metung karing baka na a alang dipektu neng miyayain yang ain-a-durulukan ing ninuman kekayu. Idala ne iti king tulid na ning pasbul ning Toldang tuknangan ku ban maging karapatdapat ya kanaku.

Levitico 19:4

E kayu susuyu karing kikilalanan dang dios ni gagawang idolo ban samban. Aku ing Ginung kekayung Dios.

Levitico 19:6

Kanan yu ing karni na ning animal a yayain yu king aldo mu rin a inain ye o itang kabukasan. Silaban yu itang mitagan.

Levitico 22:19

lalaking baka o tupa o kambing ing idala na. Sukat yang alang dipektu ban maging karapatdapat ya.

Levitico 22:21

Potang ing ninuman miyayampang yang ain-ning-pamisulusulu kanaku, ing Ginu, bilang pamanupad king panata na o kaya kusa yang lub a pamanain, sukat yang alang dipektu ing animal a yayain na ban maging katanggap-tanggap ya.

Levitico 22:23

Malyari yang iyampang bilang ain a kusang lub ing toro o tupa a gutut o e timbang a katawan, oneng ing anti kaniti e ya karapatdapat bilang ain a pamanupad king metung a panata.

Levitico 22:29

Tukian yu la ding tuntunan potang miyayain kayung ain-a-kapasalamatan ban maging karapatdapat kayu.

Levitico 7:16

Nung miyain yang ain-ning-pamisulusulu bilang pamanupad king panata na o kaya ain yang kusa nang babie, e ya sukat pakigisanan ing anti kaniting ain itang aldo miyain ya, pero malyari yang kanan ing mitagan itang kabukasan.

Levitico 7:18

Nung ating mapangan kaniting tagan king katlung aldo, e ku na tanggapan ing ain a iti; ala nang ulaga. Maging makasumami ya at mika pakibatan ya pa ing ninumang mangan kaniti.