Levitico 19:4 - Ing Mayap a Balita Biblia

⁴ E kayu susuyu karing kikilalanan dang dios ni gagawang idolo ban samban. Aku ing Ginung kekayung Dios.

Levitico 19:4 Iomraidhean Croise

1 Ari 14:9

Mas maragul ing kasalanan a depat mu kesa karetang minuna keka. Ginawa kang aliwang dios at dakal a larawan. Inya sikuil mu ku at pepamua mu ku.

1 Cronica 16:26

Rebultu la mu ding dios-diosan da ring paganu; oneng ing linalang karing banua ya ing Ginu.

2 Cronica 28:2

Ing tikian na ya ing dapat da ring ari na ning Israel; pepagawa yang bakal a rebultu nang Baal ban samban.

Ding Dalit 96:5

Ding dios da ring paganu idolo la mu; oneng ing linalang king banua ya ing Ginu.

Exodo 20:23

E kayu gagawang dios a pilak o gintu a pakipante yu kanaku at para samban subali kanaku.

Exodo 32:4

Tinggap na la ngan Aaron deti at linaso na la; tigtug na ing gintu king metung a moldi at ginawa yang metung a gintung toro. Ngarang sinabi ding tau, O Israel, oyan ing kekatamung dios a milual kekatamu king Ehipto!

Exodo 34:17

E kayu gagawang dios a bakal ban samban yu la.

Levitico 11:44

Aku ing Ginung kekayung Dios; inya ingatan yung malinis ing sarili yu, uling aku banal ku.

Levitico 19:25

Pero king kalimang banua malyari na kayung mangan karing bunga ra. Nung tuparan yu iti, lalu lang mamungang dakal ding tanaman a tenam yu. Aku ing Ginung kekayung Dios.

Levitico 19:5

Nung miyayain kayung ain-ning-pamisulusulu kanaku, ing Ginu, tukian yu la ding tuntunan a binie ku kekayu ban tanggapan ku ing ain yu.

Levitico 26:1

Ngana ning Ginu, E kayu gagawang idolo ni manalakad mang estatua, asias a batu o larawan a dinukit king batu para kekayu yang samban, uling aku ing Ginung kekayung Dios.

Hageo 2:18

Ing aldong iti ya ing kaduang pulu't apat a aldo ning kasiam a bulan, ing aldo nung kapilan ya meyari ing pundasyun na ning Templo ning Ginu. Pagumasdan yu ing mapapalyari manibat ngeni.

1 Corinto 10:14

Inya, kanakung kakaluguran, painggulutan yu ing pamanyambang idolo.

Deuteronomio 27:15

Isumpa ya ing ninumang gagawang larawan o idolo, ing bage a makasumami king Ginu, at kaybat tatalakad ne king makasalikut a lugal. At ding sablang tau makibat la, Amen!

Deuteronomio 4:16

mingat kayu pota makarapat kayung e ustu king kapamilatan na ning pamangawa yung larawan a dinukit king isanu mang anyu o wangis ning metung a lalaki o babai

Deuteronomio 7:25

Silaban yu la ring dinukit dang larawan a kikilalanan dang dios. E yu pagimbutan ing karelang pilak o gintu; e yu kakuanan uling deti mengari lang silu at pota marakap kayu. Masusumami ya ing Ginung kekayung Dios king anti kaniting pamanyamba.

1 Juan 5:21

Anak, mangilag kayu karing idolo!