Levitico 19:3 - Ing Mayap a Balita Biblia

³ Igalang la ding pengari yu at ipangiling ya ing Aldo ning Sabbath. Aku ing Ginung kekayung Dios.

Levitico 19:3 Iomraidhean Croise

Genesis 48:12

Kanita leko na lang Jose king kandungan nang tata na at saka ya dinuku angga king ing lupa na tatagkil ya king gabun.

Nehemias 9:14

Pepabalu mu karela king ing Aldo ning Sabbath sukat deng pangilinan, at king kapamilatan ning talasuyu mung i Moises ding kekang tuntunan at kautusan karela binie mu la.

Exodo 16:29

Tandanan yu king aku, ing Ginu, dininan da kayung metung a aldo magpaynawa, at ita ing sangkan nung inya king kanam a aldo dirinan da kayung pagkabie a sapat para aduang aldo. E ya sukat mamako ing ninuman king lugal a dasnan na ning kapitung aldo, at e ya mamako king bale na.

Exodo 20:12

Igalang ye i tata yu at i ima yu ban kumaba ing bie yu king gabun a babie ku kekayu.

Exodo 20:8

Igalang ye ing Aldo ning Sabbath at ipangiling ye.

Exodo 21:15

Paten ya ing ninumang dugpa gamat kang tata na o kang ima na.

Exodo 21:17

Paten ya ing ninumang lapastangan kang tata na o kang ima na.

Ding Kasebian 1:8

Anak ko, pakiramdaman mu ing tuturu nang tata mu at pakiramdaman mu ing sasabian nang ima mu,

Ding Kasebian 23:22

Makiramdam ka kang tata mu; ya ing sangkan nung inya linto ka king yatu. At e me insultuan ing ima mung atyu na king ketuan.

Ding Kasebian 30:11

Ating taung paniumpa da la ring karelang tata at e biasang pasalamat karing karelang ima.

Ding Kasebian 30:17

Ing anak a pisunusunu ne i tata na o maninsultu at e mamintu kang ima na sukat ing kanan de ring ayup a buitre at mata na awak panuktukan da la.

Isaias 58:13

Ngana ning Ginu, Nung kilalanan yeng banal ing Aldo ning Sabbath at nung tuknangan yung panintunan ing sarili yung kapakanan king aldong iti; nung pakamalan ye ing kanakung banal a aldo at nung galangan ye king kapamilatan na ning e yu pamaglakbe, pamagobra o king pamakipagkwentung alang kapupuntalan,

Ezekiel 20:12

Gewa ke ing pamangiling king Aldo ning Sabbath bilang tanda ning kasunduan mi ban ipaganaka karela king aku, ing Ginu, gawan ku lang banal.

Levitico 11:44

Aku ing Ginung kekayung Dios; inya ingatan yung malinis ing sarili yu, uling aku banal ku.

Levitico 19:25

Pero king kalimang banua malyari na kayung mangan karing bunga ra. Nung tuparan yu iti, lalu lang mamungang dakal ding tanaman a tenam yu. Aku ing Ginung kekayung Dios.

Levitico 19:30

Pangilinan ye ing Aldo ning Sabbath at igalang ye ing lugal nung nu ra ku sasamban ding tau. Aku ing Ginu.

Levitico 19:31

E kayu maniawad kausukan karing mamamanula o karing espiritista a makipagsalita karing mete. Midinatan kayu kabud sinangguni kayu karela. Aku ing Ginung kekayung Dios.

Levitico 19:34

Pakiutusan yu lang antimo nung makananu yeng pakiutusan ing kalupa yung Israelita, at luguran yu la antimo ing pamaglugud yu king sarili yu. E yu sa kakalinguan king kanitang misan dayuan kayu naman karin king Ehipto. Aku ing Ginung kekayung Dios.

Levitico 23:3

Atin kayung anam a aldo ban gawan ing obra yu, oneng ing kapitung aldo, ing Aldo ning Sabbath, ya ing aldo ning pamagpaynawa. E kayu magobra king aldong iti; mitipun kayu ban samba nu kayu man karin. Kanaku ya ing Aldo ning Sabbath; aku ing Ginu.

Levitico 26:2

Tuparan yu la ring aldo pangilinan at igalang ing lugal nung nu ku misasamban. Aku ing Ginu.

Malakias 1:6

Nganang sasabi ning Ginung Mayupaya karing pari, Gagalangan ne ning anak ing tata na, at ing ipus ing panginuan na. Aku ing kekayung tata, obat e yu ku gagalangan? Aku ing kekayung panginuan, obat e yu ku gagalangan? Lalapastanganan yu ku, makanyan man kukutang yu kanaku, Makananu da kang lalapastanganan?

Deuteronomio 27:16

Isumpa ya ing taung alang galang kang tata na o ima na. At ding sablang tau makibat la, Amen!

Deuteronomio 5:16

Igalang yu la ding pengari yu antimo ing inutus ku, ing Ginung kekong Dios, ban mipakayap kayu at manatiling manuknangan king gabun a babie ku kekayu.

Hebreo 12:9

Bukud pa kanyan, ding tata tamu king laman didisiplinan da katamu, at uli na nian igagalang ta la. E wari lalung matulid ing pasakup tamu king Dios a Ibpa tamu king espiritu ba tamung mie?