Levitico 19:2 - Ing Mayap a Balita Biblia

² Sabian mu karing memalen na ning Israel: Magpakabanal kayu, uling aku, ing Ginung kekayung Dios, banal ku.

Levitico 19:2 Iomraidhean Croise

Ding Dalit 99:3

Ing lagyu nang maula at makamal ding sabla karela yang purian. Banal ya!

Exodo 19:6

ing balen a mitalaga mung bukud kanaku at sumuyu kanaku bilang pari.

Exodo 22:31

Ikayu ing balen a pinili ku, inya e kayu mamangan king karni na ning animal a piglapak da ring lasip; pakan yu nia mu karing asu.

Levitico 19:1

Ngana ning Ginu kang Moises,

Levitico 20:26

Magpakabanal kayu at maging tapat kanaku, uling aku, ing kekayung Ginu, banal ku. Pinili ra kayu karing aliwang bansa ban maging bukud mung kanaku.

Levitico 20:7

Italaga yu ing sarili yu kanaku at magpakabanal kayu, uling aku ing Ginung kekayung Dios.

Levitico 21:15

ban e la mapintas ding anak na king arapan da ring kabalen na. Aku ing Ginu a mibukud keting tau bilang Pamuntuk da ring Pari.

Levitico 21:23

Makanyan man, e ya sukat lalapit king sagradung tabing o lalapit king altar uli na ning atin yang pinsala king katawan na. Kabud linapit ya lepastangan na la ding banal a bage, uling aku ing Ginu a papagbanal kareti.

Levitico 21:8

Italaga ya king kabanalan ing pari, uling ya ing miyayain king tinape para kanaku, ing Dios. Sukat yang maging banal, uling aku, ing Ginu, ing papagbanal kekayu at banal ku.

Amos 3:3

Maglakbe la waring miyabe ding adua katau nung e ra pa mu pikasunduan?

Mateo 5:48

Inya sukat kayung maging ganap, nung makananu yang ganap antimo ing Ibpa yung atyu banua.

2 Corinto 7:1

Pakamalan a kakaluguran, anti na ning makanyan ing mipangaku kekatamu, kailangan tamung linisan ing kekatamung sarili king sablang babie dinat king kekatamung katawan at espiritu. Magkapilit tamung mika ganap a kabanalan at mibiebie a ating takut king Dios.

Efeso 1:4

At uli niting pangayabe tamu kang Cristo, pinili na na katamu bayu ya pa melalang ing meto ketawan ban maging banal tamu at alang kapintasan arap na. Uli na ning lugud ning Dios,

Deuteronomio 27:10

inya makiramdam kayu at mamintu karing utus na at tuntun king sabian ku ngeni kekayu.

Josue 24:19

Oneng nganang Josue karing memalen, E ye malyaring asuyuan ing Ginu, uling Dios yang banal at mapangalalu; e na la patawaran ding kekayung kasalanan

1 Samuel 2:2

Alang aliwang banal nune mu ing Ginu; alang aliwang batung santungan a kalupa na ning kekatamung Dios.