Levitico 19:16 - Ing Mayap a Balita Biblia

¹⁶ E yu kakalat ing nanu pa mang e tutu tungkul king ninu pa man o magtestigu king e katutuan ban mipahamak ya. Aku ing Ginu.

Levitico 19:16 Iomraidhean Croise

Job 17:5

Agpang king metung a matuang kasebian, ing tau pagtaksilan ne ing keyang kakaluguran uli ning pibandian, inya anak na ilang misakitan.

Ding Dalit 101:5

Ing ninumang king lihim sisira king kalupa nang tau kaku yang tanggian; e ke kampian ing taung palalu at mayabang.

Ding Dalit 15:3

at e gagamit king dila na king kapanyiran; e gagawang makapanasakit king kakaluguran na, at e magsalitang kalaraman king kenu man.

Ding Dalit 50:20

Ding mismung kekong kapatad kekayu lang bibintanganan; karela e mikakunung mikalat kapanyiran.

Exodo 20:16

E kayu sasaksi king e katutuan laban king kenu man.

Exodo 23:1

E yu kakalat ing e tutung balita. E ye kakampian ing taung mikasala king kapamilatan ning pamagtestigu yung alang katutuan.

Exodo 23:7

E kayu gagawang maling paratang ni paburen miyatulan kamatayan ing taung alang kasalanan. Parusan ke ing ninumang darapat king anti kaniting e ustung dapat.

Ding Kasebian 10:18

Malaram ya ing taung misasalikut mua, at mangmang ya itang manyira king kalupa nang tau.

Ding Kasebian 11:13

Ala kang asalikut a lihim king taung madaldal, oneng king taung apagkatiwalan keyang ingatan.

Ding Kasebian 20:19

Ikalat ning taung maindredus ing ingatan mung lihim; inya dumayu ka king taung masalita.

Jeremias 6:28

Mapaglaban la at masias a buntuk, kasing kasias na la ning tangsu at ning bakal. Baluktut la ngan a dapat; lakad-lakad lang mangalat kapanyiran.

Jeremias 9:4

Sukat yang mingat ing metung at metung agyang king kakaluguran na, ala nang makapagtiwala king kapatad na; uling ing balang kapatad mapaglinlang yang anti i Jacob, at ing balang metung sisiran neng kakaluguran na.

Ezekiel 22:9

Mamigawa lang salita ding kekang memalen tungkul karing aliwa ban kanita apapate da la. Mamangan la karing ain a miyain karing idolo. Manatili lang magpasasa king tula ning laman ding aliwa.

Mateo 27:4

Nganang sinabi, Mikasala ku king taung alang kasalanan! Ngarang mekibat, Nanung pakialam mi kanita? Problema mu nang sarili yan!

Deuteronomio 27:25

Isumpa ya ing ninumang paupang salapi ban makamate taung alang kasalanan. At ding sablang tau makibat la, Amen!

1 Timoteo 3:11

Kailangan king ing babaing asawa ning balang metung karela marangal ya naman: e ya maindredus, nune maisip ya, at tapat king sabla-sablang bage.

2 Timoteo 3:3

Maging maimut la naman, alang lunus, mapanyirang puri, bugasuk, mabagsik, at pikakasaman da ing mayap.

Tito 2:3

Antimu rin, panabilinan mu la ding makatuang babai ing manugali lang antimong babaing mabibie king kabanalan antimo ing sukat karela. E la mapanyirang puri at e magbisyu king alak. Sukat dang ituru ing mayap

1 Pedro 2:1

Lakuan yu, uli na niti, ing sablang e mayap, ing pamamirait, ing pamagkunwari, ing pamangalalu, at pamaninsultu.

1 Samuel 24:10

Ngening aldong iti masala yung ikit nung makananu na kayung bildug ning Ginu karing gamat ku kilub ning kueba; buri da ring kanakung tauan king paten da kayu, oneng e ku gewa iti. Sinabi kung e ke malyaring lapastanganan ing panginuan ku, uling ya ing pinili na ning Ginu.