Levitico 19:13 - Ing Mayap a Balita Biblia

¹³ E ye sasamantalanan o panakawanan ing ninuman ni ipagkait ding bayad ning taung kinua yung magobra; e yu ipagpaliban ing upa na kilub ning kabukas.

Levitico 19:13 Iomraidhean Croise

Job 17:5

Agpang king metung a matuang kasebian, ing tau pagtaksilan ne ing keyang kakaluguran uli ning pibandian, inya anak na ilang misakitan.

Job 31:39

nung pengan ku ing pupul a alang bayad, at aku ing meging sangkan ning kamatayan ding maki mulahan,

Job 7:2

Kalupa na mu ning ipus a magnasang salilungan o ning upahan a manayang bayaran.

Exodo 20:15

E kayu manako.

Exodo 22:13

Nung pete de ring lasip ing animal, iyapag ne ning penabilinan bilang katunayan king mete ya ing animal; e ya sukat mamayaran kanita para king animal a pete da ring lasip.

Exodo 22:15

Nung atyu ya ing pipanandaman inyang mete ya o mepinsala ing animal, e ya sukat mamayaran ing mindam. Nung animal yang pakiupa na ning makibandi, ing upang tinggap na makagyu neng maging kabayaran.

Exodo 22:21

E ye liligaligan o lulupigan ing ninumang dayuan; ganakan yu king meging dayuan kayu naman kanitang atyu kayu Ehipto.

Exodo 22:7

Nung ating ninumang menilas salapi o nanumang bage king aliwa at mepanako la reti king bale na ning pipanilasan, nung marakap ya ing menako, sukat yang mamayad dobli.

Ding Kasebian 20:10

Kasusumamian na la ning Ginu ding taung gagamit timbangan at paniukad a e ustu.

Ding Kasebian 22:22

E mu la sasamantalanan ding kalulu uli na mu ning agyu-agyu mu la o sasamantalanan ding taung alang akarapat arapan ning husgadu.

Ding Kasebian 3:28

E mu na pibukas-bukas ing saup a aibie mu ngeni king kalupa mung tau.

Jeremias 22:13

Makasumpa ya ing taung manalakad king bale na king kapamilatan ning alang hustisia, at daragul ne king kapamilatan ning keyalan katapatan, at papagobran na lang kalupa nang tau, oneng e no dirinan sueldu.

Jeremias 22:3

Ngana, Aku, ing Ginu, yuyutus ku kekayu king daptan yu ing matulid at ing alang pamangabiran. Idipensa ye ing taung pipiraitnan na ning manalipit. E yu la alipitan, nune pakiutusan yu lang mayap ding dayuan, ding ulila, at ding mebalung babai. E yu la papaten keting banal a lugal a iti ding taung alang kasalanan.

Ezekiel 18:7

E ne pipiraitnan o panakawanan ing ninuman. Susubli na itang singla na ning mindam; pakanan na la ding danupan at paimalanan ding lubas.

Ezekiel 22:12

Manupa lang tau ban makamate tau. Kakua lang patubu karing salaping paparam da karing kalupa rang Israelita, at mibabandi la king kapamilatan na ning pamagsamantala ra. Kelinguan da na ku. Ing Ginung Dios ya ing migsalita.

Ezekiel 22:29

Mamirait la at manako ding mabandi. E ustu ing tratu da karing pakakalulu at sasamantalanan da la ring dayuan.

Levitico 25:14

E kayu mamirait neng mamisali kayu o sasaling nanuman king kalupa yung tau.

Levitico 25:17

E ye pipiraitnan ing ninuman; tumakut kayu kanaku, uling aku ing Ginung kekayung Dios.

Levitico 6:3

o payalian ne ing metung a bage a apulut na at sinumpa yang e ne ikit.

Malakias 3:5

Sasabian na ning Ginung Mayupaya, Lunto ku libutad yu ban ukuman da kayu at magtestigu kung agad laban karing darapat pamagsalamangka, karing makipangalugud, karing magsalitang kalaraman, karing mamirait karing katuliran dang upa ding magobra da at karetang magsamantala karing babaing mebalu, karing ulila, karing dayuan, at antimu rin karing sablang e gagalang kanaku.

Mateo 20:8

Inyang mabengi na, ngana ning makibandi king katiwala na, Ausan mu na la deng magobra at bayaran mu la king karelang upa. Magumpisa ka karing tauling meyakua at itauli mu la ding minuna.

Marcos 10:19

Balu mu la ding kautusan: E ka makamate; e ka makipangalugud; e ka manako; e ka maglaram; e ka mamirait; igalang me i tata mu at i ima mu.

Lucas 3:13

Pekibat na karela, E kayu sisingil sobra king sukat yung singilan.

1 Tesalonica 4:6

Kanita e na dakurakan o samantalanan ning ninuman ing matulid ning kalupa nang tau. Antimo ing sinabi mi na kekayu king milabas a panaun at maigpit ming penabilin: parusan ne ning Ginu ing dapat kareting dewakan.

1 Timoteo 5:18

Uling sasabian na ning Kasulatan, E me sasara asbuk ing baka kabang dadara ya. Makasulat munaman, Ing magobra mangaintuliran yang kabayaran.

Santiago 5:4

Magsalitang laban kekayu ing upang e yu binie karing taung megobra king kekayung gabun. Susukdul king banua ing saingsing da ring talapagobrang linipit yu; miraras king panamdam na ning Ginung Mayupayang tutu.