Levitico 19:12 - Ing Mayap a Balita Biblia

¹² E kayu mangaku king kapamilatan na ning pamangamit king lagyu ku, nung e yu mu rin tuparan ing pangaku yu; kalapastanganan iti king lagyu ku. Aku ing Ginu.

Levitico 19:12 Iomraidhean Croise

Ding Dalit 15:4

E na la katulan detang tatanggi king Dios; oneng detang king Dios mamintu, at tatakut ilang gagalangan na; tutuparan na sabla nang kapangakuan nu man anti ing maging kabayaran.

Exodo 20:7

E ye gagamitan ing lagyu ku king e mayap a kapagnasan, uling aku, ing Ginung kekayung Dios, parusan ke ing ninumang gagamit e ustu king lagyu ku.

Isaias 48:1

Memalen ning Israel, iti kekong pakiramdaman, ikong ibat king lahi nang Juda: Susumpa kayu king lagyu ning Ginu, at sasabian yu king sasamban ye ing Dios ning Israel, oneng ala kayung tututuanan metung man king kekong sasabian.

Jeremias 34:16

Oneng pasibayu kayung migbayu isip at lepastangan yu ku. Kinua yu lang pasibayu ding ipus a binulus yu at pinilit yu lang gewang pasibayung ipus.

Jeremias 4:2

maging matulid at ustu para kekayu ing sumpa kayu king kapamilatan na ning lagyu ku. Ding sablang bansa kanita aduan da kanaku ing bendisyunan ku la at ila purian da ku.

Jeremias 5:2

Agyang sasabian yung sasamban ye ing Ginu, e naman laus king lub yu ing kekong amanu.

Jeremias 7:9

Manako kayu, makamate kayung kalupang tau, makipangalugud kayu, magsalita kayung kalaraman, babie kayung ain-sakripisyu kang Baal, at sasamba kayung aliwang dios a e yu balu.

Levitico 18:21

E me babie ing ninuman karing anak mung babai para magamit king pamanyamba king dios a i Molek, uling iti kalapastanganan king lagyu na ning kekang Dios. Aku ing Ginu.

Levitico 20:3

Aku mismu isakuil ke at itiwalag bilang miembru na ning balen Israel, nung ing ninuman munie yang anak kang Molek. Kalapastangan ing anti kaniting dapat king kanakung santuaryu at king banal kung lagyu.

Levitico 24:11

King pamipate ra mekapanagkas ya't layun lepastangan ing lagyu ning Ginu. Inya dela re kang Moises.

Levitico 6:3

o payalian ne ing metung a bage a apulut na at sinumpa yang e ne ikit.

Zacarias 5:3

Kanita ngana kanaku, Makasulat kaniti ing sumpa a laganap king mabilug a bansa. Mababasa king metung nang dake niting kasulatan a makalulun king milako ya ing balang mapanako king bansa, at mababasa king kasumangid king milako ya naman ing balang magsalitang kalaraman lalam ning metung a sumpa.

Zacarias 5:4

Sasabian na ning Ginung Mayupaya king iparala ne iting sumpa at luban ne bale ing balang mapanako at ing balang magsalitang kalaraman. Manatili ya karing pibalebale at lakuan na lang lasak-lasak.

Malakias 3:5

Sasabian na ning Ginung Mayupaya, Lunto ku libutad yu ban ukuman da kayu at magtestigu kung agad laban karing darapat pamagsalamangka, karing makipangalugud, karing magsalitang kalaraman, karing mamirait karing katuliran dang upa ding magobra da at karetang magsamantala karing babaing mebalu, karing ulila, karing dayuan, at antimu rin karing sablang e gagalang kanaku.

Deuteronomio 5:11

E ye gagamitan ing lagyu ku, ing Ginung kekong Dios, king alang kabaldugan. E ke ipanupaya ing ninumang lapastangan king lagyu ku.

Santiago 5:12

Kapatad, maygit king sabla e kayu susumpa neng mangaku kayu; e kayu pasaksi king banua o king yatu o king nanuman. Sabian yu, Wa, nung wa ing buri yung sabian, at Ali, nung ali, ban e na kayu atulan ning Dios.