Levitico 19:11 - Ing Mayap a Balita Biblia

¹¹ E kayu manako o mamirait o maglaram.

Levitico 19:11 Iomraidhean Croise

2 Samuel 17:20

Dinatang la karin ding tauan nang Absalom at ngarang kinutang king asawa na ning makibale, Nukarin la ri Ahimaaz at Jonatan? Pekibat na, Lipatan da ne ing ilug. Penintun da la ring tauan nang Absalom di Ahimaaz at Jonatan, oneng e da la ikit. Inya mibalik la king Jerusalem.

1 Ari 13:18

Kanita ngana ning matuang propeta, Propeta ku munamang kalupa mu. Inutus na kanaku ning Dios king kapamilatan na ning anghel a tinubud na king ituki ra ka king bale ku ban makapangan ka at makainum. Oneng e tutu iting sinabi na.

Ding Dalit 101:7

E ya malyaring manuknangan king kakung palasyu ing taung malaram; e lumuat king kakung arapan ing taung mapagkunwari.

Ding Dalit 116:11

At neng atyu ku king kagutgutan kakung sasabian, Ala kang ayasahan king ninuman.

Exodo 20:15

E kayu manako.

Exodo 20:16

E kayu sasaksi king e katutuan laban king kenu man.

Exodo 20:17

E ye angkaminan ing bale na ning kalupa yung tau. E ye angkaminan ing asawa na, ding ipus na, ding baka na, ding asno na o ing nanumang bandi na.

Exodo 22:1

Nung menako yang baka o kaya tupa ing ninuman, at kaybat kinatat ne o kaya pisali neng mabie, sukat neng alilan limang baka ing bakang penako na; apat a tupa nung tupa ne man ing penako na.

Exodo 22:7

Nung ating ninumang menilas salapi o nanumang bage king aliwa at mepanako la reti king bale na ning pipanilasan, nung marakap ya ing menako, sukat yang mamayad dobli.

Exodo 23:1

E yu kakalat ing e tutung balita. E ye kakampian ing taung mikasala king kapamilatan ning pamagtestigu yung alang katutuan.

Ding Kasebian 24:28

E ka magtestigu laban king kalupa mung tau, nung ala kang matulid a sangkan o magsalitang ating pamaglinlang.

Jeremias 6:13

Magpakabandi ya ing balang metung, maragul at malati, king e ustung paralan; pati ding propeta at pari biasa na lang mamirait karing tau.

Levitico 19:10

E yu la ngan agtalan ding bunga da ring ubas yu o pupulutan ding menabu king gabun; lakuan yu na la para karing pakakalulu at dayuan. Aku ing Ginung kekayung Dios.

Roma 3:4

Kapilan man e malyari iti! Manatili yang tapat ing Dios agyang maglaram la ding sablang tau, antimo ing masasabi king kasulatan, Kailangan kang mayakit matulid king kekang sasabian; sukat kang magtagumpe potang mibili ka king kapagsubukan.

Efeso 4:25

Uli na niti, e na kayu maglaram! Kailangan yang magsalitang katutuan ing balang metung king kalupa nang talasalpantaya, uling itamu ngan dake na katamu ning metung mung katawan, ing Cristo.

Efeso 4:28

E ne kailangan manako ing mapanako, nune magobra ya at gamitan na la ding gamat na king marangal a kapanintunan ban asaupan na la ding mangailangan.

Deuteronomio 5:19

E kayu manako.

Colosas 3:9

E kayu maglaram king metung at metung uling likas yu na ing matuang pangatau at ing sabla nang e mayap a ugali

1 Timoteo 1:10

Megawa la munaman ding kautusan para karing taung makipangalugud, karing makipangatawan karing kalupa dang lalaki o babai, karing manguang tau, karing malaram, at mapamikudta o darapat aliwa pang salungat king mayap a doktrina.

Kapahayagan 21:8

Oneng makatakut ing miras karing duag, karing taksil, karing magpasasa king e mayap, karing makamate tau, karing makipangalugud, karing mangkukulam, karing sasambang idolo, at karing sablang malaram. Miyugse la king dagat-dagatan na ning api at asupri; ing kaduang kamatayan.