Levitico 19:10 - Ing Mayap a Balita Biblia

¹⁰ E yu la ngan agtalan ding bunga da ring ubas yu o pupulutan ding menabu king gabun; lakuan yu na la para karing pakakalulu at dayuan. Aku ing Ginung kekayung Dios.

Levitico 19:10 Iomraidhean Croise

Isaias 17:6

Ditak la mung tau ding miligtas at mangari ya ing Israel king tanaman a olibong meyagtal a bunga subali mu karing adua o atlung bungang mitagan a atyu king matas o ding mapilan a bungang melakuan karing mababang sanga. Aku, ing Ginung Dios ning Israel, ing migsalita.

Isaias 24:13

Iti ya ing mapalyari karing balang bansa king mabilug a yatu. Maging kalupa ne ing kapupusan na ning pamamupul, potang meugun la ding tanaman a olibo at megisan na la bunga at meyagtal na la ding katataulian a bunga na ning tanaman a ubas.

Jeremias 49:9

Neng managtal lang ubas ding lalaki maglakuan lang mapilan karing sanga, at neng daratang la ding mapanako neng bengi, detang buri da mu ilang kakuanan da.

Levitico 11:44

Aku ing Ginung kekayung Dios; inya ingatan yung malinis ing sarili yu, uling aku banal ku.

Levitico 19:11

E kayu manako o mamirait o maglaram.

Levitico 19:25

Pero king kalimang banua malyari na kayung mangan karing bunga ra. Nung tuparan yu iti, lalu lang mamungang dakal ding tanaman a tenam yu. Aku ing Ginung kekayung Dios.

Levitico 19:9

Neng papalut na kayu king kekayung marangle, e yu pakipalut itang atyu king lele nang angganan ning gabun yu, at e yu na babalikan pa itang melakuan.

Levitico 23:22

Potang palutan yu na ing tenam yu, e yu pakipalut ing binutil karing angganan na ning asikan yu, at e yu na babalikan pa itang melakuan a makibunga. Paburen yu na ita para karing taung pakakalulu at dayuan. Aku ing Ginung kekayung Dios.

Levitico 25:6

Agyang e matagin ing gabun king banuang ita makanyan man palto yang pagkabiayan yu at pamangan para karing kekayung ipus, karing upahan a talapagobra, karing dayuan a makipamalen kekayu,

Obadias 1:5

Neng daratang la ding mapanako king kabengian, kakuanan da mu itang karelang kailangan. Neng mamupul lang ubas ding tau, atin la pa mu ring tatagan. Oneng ding kekang kalaban ganap da kayung gisan.

Mikeas 7:1

Makalunus ku! Mengari ku king taung danupan a e mitaganan karing prutas da ring tanaman at ubas. Megisan la ngan ding ubas at ding maniaman a prutas a higera.

Deuteronomio 24:19

Nung king pamamalut yu king tenam yu atin kayung e apalut, e yu na babalikan ita. Paburen yu na karing dayuan, ulila, at mebalung babai. At bendisyunan na kayu ning Ginung kekayung Dios king nanumang kekayung daptan.

Deuteronomio 24:20

Neng namang agtalan yu na la bunga ding tanaman yung olibo, e yu na la babalikan pa detang melakuan a bunga. Paburen yu na la deta para karing dayuan, ulila, at mebalung babai.

Deuteronomio 24:21

Neng mamupul kayung ubas, paburen yu na la detang melakuan para karing dayuan, ulila, at mebalung babai.

Ukum 8:2

Ngana karela, E malyaring ipakilupa ing nanumang depat ku king depatan yu. Agyang ita mung malating bage a gewa yu ikayung tau Efraim maygit yang e palak king gewa na ning mabilug ming pamilya.

Ruth 2:2

Misan a aldo nganang Ruth, ing tau Moab, king katuangan nang i Naomi, Paintulutan mu ku sanang munta king marangle ban mamulut tinalage sebada a alakuan da ring papalut. Karin ku ketang ninumang munie kapaintulutan mamulut ku. Pekibat nang Naomi, Wa, anak.