Levitico 18:8 - Ing Mayap a Balita Biblia

⁸ E me sisiran a dangalan i tata mu king kapamilatan na ning pamakipangatawan mu king ninuman karing asawa na.

Levitico 18:8 Iomraidhean Croise

Genesis 35:22

Kabang manuknangan ya i Israel king lugal a ita, lepitan neng Ruben i Bilha, ing metung karing babaing kasese nang tata na, at sipingnan ne. Abalu nang Israel iti at mimua ya. Labi lang aduang lalaki ding anak nang Jacob.

Genesis 49:4

Mengari kang danum ning albug a lalagusgus, oneng aliwa ika ing mipaygit karing kapatad mu, uling dinatan me ing pagkeran nang tata mu; asawa na sipingnan me.

Ezekiel 22:10

Sisipingnan da la ring asawa da ring tata ra; sisipingnan da la naman ding aliwang babaing atyu king panaun ning regla da.

Levitico 20:11

Ing lalaking makipangatawan king metung karing asawa nang tata na lepastangan ne i tata na; paten ya at ing babaing kayabe nang mikasala. Ila mismu ding pepasari king sarili dang kamatayan.

Amos 2:7

Daramusakan da la matulid ding maina at ding lipit a alang akarapat at panabi da la ring pakakalulu. Ing kayanakan a lalaki at ing tata na parehu deng sisipingnan ing ipus a babai. King uli na niti, lalapastanganan de ing banal kung lagyu.

1 Corinto 5:1

Mibalita kanaku king ating mangapalyaring imoralidad libutad yu, bage a tutung makarine a e ra daraptan agyang ding paganu. Mibalita kanaku king ing metung kekayu pakiabayan ne ing dara na, ing asawa nang tata na!

Deuteronomio 22:30

E ne sukat pagnasan ning anak a lalaki ing ninuman karing asawa nang tata na o sisipingnan king pagkeran.

Deuteronomio 23:1

E ya malyaring maging miembru king kapulungan na ning Ginu ing ninumang kapun o meputut a kasangkapan ning pangalalaki na.

Deuteronomio 27:20

Isumpa ya ing anak a lalaking makipangatawan kaninu man karing asawa nang tata na, uling iti kalapastanganan kang tata na. At ding sablang tau makibat la, Amen!