Levitico 18:5 - Ing Mayap a Balita Biblia

⁵ Inya pamintuan yu la ding utus ku. Mika bie ya ing mamintu. Aku ing Ginu.

Levitico 18:5 Iomraidhean Croise

Nehemias 9:29

Belan mu la ban mibalik at tupad karing utus mu, oneng migmatas la at e la memintu karing utus mu agyang ing Kautusan mu ya ing babie bie karela. Mesias la buntuk at e la bisang mamintu.

Exodo 6:2

Migsalita ya ing Dios kang Moises. Ngana, Aku ing Ginu.

Exodo 6:29

Ngana, Aku ing Ginu. Sabian mu king ari ning Ehipto ing sablang sabian ku keka.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Isaias 55:3

Makiramdam kayu ngeni taung kakung pinili, at lumapit kayu kaku; lumapit kayu kaku at mika bie kayu! Gawa kung kasunduan kekayu a manatili king kapilan man, at ibie ku la kekayu ding kanuanan a pengaku ku kang David.

Ezekiel 18:9

Tutukian na la ding tuntunan ku at tapat na lang pamintuan ding kautusan ku. Makatuliran ya, inya kumaba ya bie, nganang sasabi ning Ginung Dios.

Ezekiel 20:11

Binie ku la karela ding kanakung tuntunan at tiru karela ding kanakung kautusan a munie bie king ninumang mamintu kareti.

Ezekiel 20:13

Oneng agyang king disyerto selangsangan da na ku. Lebagan da la ring kautusan ku at tinggian da la ring tuntunan ku a babie bie king ninumang mamintu kareti. Lubus deng e ginalang ing Aldo ning Sabbath. Makasadia na ku kanitang ipatakman ku karela ing bigsikan na ning kanakung mua karin king disyerto at layun ku lang gisanan paten.

Ezekiel 20:21

Oneng sinalangsang la naman kanaku detang kayanakan a deta. Lebagan da la ring kanakung utus at e da la pemintuan ding kanakung tuntunan a babie bie king kenu mang mamintu kareti. E de ginalang ing Aldo ning Sabbath. Makasadia na ku kanitang ipatakman karela ing bigsikan na ning kanakung mua karin king disyerto at paten ku la ngan.

Levitico 18:6

E kayu makipangatawan karing malapit yung kamaganak. Aku ing Ginu.

Malakias 3:6

Aku ing Ginu at e ku mibabayu. Inya ikayung lahi nang Jacob e kayu pa lubus megisan.

Mateo 19:17

Nganang mekibat Jesus, Baket kukutnan mu ku nung nanu ing mayap? Metung ya mu ing mayap. Nung bisa kang magkamit bie, tuparan mu la ding kautusan.

Lucas 10:28

Nganang Jesus, Ustu ing pakibat mu, daptan mu iti at mie ka.

Roma 10:5

Iti ya ing sinulat nang Moises tungkul king pangapatawaran ning kasalanan agpang king Kautusan: Mie ya king kapamilatan na ning Kautusan.

Roma 7:10

at aku naman mete ku. At ing kautusan a kailangan magdalang bie kanaku kamatayan ing dela na.

Galacia 3:12

Oneng e ya makatalakad ing Kautusan king kasalpantayanan. Nune, agpang king sasabian na ning kasulatan, Ing taung darapat king sablang aduan na ning Kautusan mibiebie ya agpang king Kautusan.

Deuteronomio 30:20

Luguran ye ing Ginung kekayung Dios, mamintu kayu karing utus na at manatiling tapat ban kumaba ing bie yu karin king gabun a pengaku nang ibie karing makatua yung i Abraham, i Isaac, at i Jacob.

Deuteronomio 30:6

Ibie ne kekayu at karing maging lahi yu ing pusung mapamintu ban luguran ye king mabilug yung pusu at kaladua at kumaba kayu bie.

Deuteronomio 4:1

Ngeni, O memalen ning Israel, nganang Moises, pamintuan yu la ngan ding kautusan at tuntunan a tuturu ku kekayu ban e kayu mate at kekayu yang abandi ing gabun a babie na kekayu ning Ginu, ing Dios da ring makatua yu.