Levitico 18:3 - Ing Mayap a Balita Biblia

³ E yu pakiapusan ing ugali da ring tau Ehipto nung nu kayu menuknangan king misan a panaun ni ding taung dasan yu Canaan nung nu ra kayu darala ngeni.

Levitico 18:3 Iomraidhean Croise

2 Ari 17:8

tikian da ing kaugalian da ring taung tinabi na ning Ginu inyang palub na la ding memalen na king gabun a mipangaku, at tinggap da ing e ustung kaugalian a tinatag da ring ari na ning Israel.

Ding Dalit 106:35

Ing depat da ya ing memakiasawa la karela at menugaling kalupa da.

Exodo 23:24

E kayu duruku karing kikilalanan dang dios at e kayu sasamba karela, at e kayu makiapus king daraptan da. Lasakan yu lang lubus ding kikilalanan dang dios at durugan ding asias a batu a sasamban da.

Ezekiel 23:8

Sindu na itang pegumpisan na anting babaing magtinda king katawan na karin Ehipto nung nu ya mesira pangadalaga. Manibat na inyang anak ya pa mu kayabe na na lang matudtud ding lalaki, at tinuring da ne man anting babaing magtinda king katawan na.

Levitico 20:23

E kayu makiapus karing ugali da ring taung manuknangan karin. Tatabi ku la deting taung deti uli na ning dapat dang makasumami.

Roma 12:2

E kayu makiapus king lakad na ning yatung iti, nune ibayu yu ing kekayung panugali king kapamilatan na ning pamagbayu yu isip. Kaniti yu atuklasan ing kaburian na ning Dios at akilala yu nung isanu ing mayap at ing katanggap-tanggap keya at ing ganap.

Deuteronomio 12:4

E yu sukat pakiapusan ing pamanyamba ra king pamanyamba yu king Ginung kekayung Dios.

Deuteronomio 29:17

Ikit yu la ding makasumami rang idolo a megawa king dutung, batu, pilak, at gintu.

Deuteronomio 9:4

Potang atabi na na la ning Ginung kekayung Dios, e yu isipan king inya dela na kayu keting gabun uli na ning mayap kayu. E makanyan. Tinabi na la ning Ginu deting tau uli na ning e la mayap.