Levitico 18:16 - Ing Mayap a Balita Biblia

¹⁶ E ka makipangatawan king bayo mung babai, uling asawa ne ning kapatad mu.

Levitico 18:16 Iomraidhean Croise

Deuteronomio 25:5

Nung ating aduang mikapatad a lalaki at manuknangan la king metung a lugal, oneng mete yang alang anak ing metung karela, e ya malyaring makiasawa ing asawa na lual ning pamilya na ning asawa na. Sukat neng pakasalan ning kapatad nang lalaki ing babaing akalakuan na ning kapatad na at daptan na ing katungkulan na bilang asawa.

Levitico 20:21

Nung pakiabayan ne ning metung a lalaki ing asawa na ning kapatad nang lalaki, lepastangan ne ing kapatad na uli na ning depat nang makarine. Mate lang alang anak.

Marcos 12:19

Maestro, ginawa yang kautusan i Moises para kekami. Anti ya kaniti: Nung mate ya ing metung a lalaki at e mikayanak king asawang lakuan na, kailangan neng pakasalan ning kapatad nang lalaki ing mebalu ban mikayanak la para king mete.

Mateo 22:24

Ngara, Maestro, sinabi nang Moises: Nung ing metung a lalaki mate yang alang akalakuanan a anak, sukat neng pakasalan ning kapatad nang lalaki ing mebalu ban mikayanak ya para king meyangu-bie kapatad na.

Lucas 3:19

Oneng menaral yang laban i Juan kang Gobernador Herodes, uling gewa neng asawa na i Herodias agyamang asawa ne ning kapatad na. Dakal pa ing e mayap a depat nang Herodes.

Marcos 6:17

I Herodes ya ing peparakap, pepagapus at pepasukul kang Juan. Inutus na iti alang-alang kang Herodias a kinua nang antimong asawa, agyamang iti bayo ne kang Felipe a kapatad na.