Levitico 17:10 - Ing Mayap a Balita Biblia

¹⁰ Maging kalaban ke ing ninumang mangan daya at itiwalag ya king kapulungan, Israelita ya man o dayuan.

Levitico 17:10 Iomraidhean Croise

Genesis 9:4

E kayu mamangan karni a maki daya pa, uling ing bie atyu king daya.

2 Samuel 23:17

Nganang David, O Ginu, e ku ainum iti, uling nung inuman ku anti ku nang ininum ing daya da reting lalaki a teya ra ing bie ra! Inya e na ininum. Makanyan mekilala ing depat dang katapatan ding atlung matapang a sundalus nang David.

Ding Dalit 34:16

Lalabanan na la ning Ginu ding taung darapat pamikasala, at paten na la ba na lang makalinguan.

Exodo 30:33

Ninumang gawang kalupa na sangkap niti at saka na gamitan iti kenu pa mang e pari, e ne malyaring mibilang pang miembru na ning kanakung balen.

Jeremias 21:10

Inari ku na king lub ku king e ke iligtas iting siudad; lasakan ke. Miyabie ya king ari na ning Babilonia at silaban ne angga king mipatag ya king gabun. Aku, ing Ginu, ing migsalita.

Jeremias 44:11

Inya, aku, ing Ginung Mayupaya, ing Dios ning Israel, maging kalaban yu ku at lasakan ke ing mabilug a Juda.

Ezekiel 14:8

Salangsangan ke! Gawan keng metung a pialimbawanan at kasebian. Itiwalag ke king komunidad da ring memalen ku ban akilala mu king aku ing Ginu.

Ezekiel 15:7

at parusan ku la. Aligtasan da ne ing metung a silab, oneng ngeni silab pa mu rin ing maglaklak karela. Potang parusan ku na la, kanita mu akilala king aku ing Ginu.

Ezekiel 33:25

Sabian mu karela king aku, ing Ginung Dios, sasabian ku karela: Mamangan kayung karni a atin pang daya. Sasamba kayung idolo. Makamate kayung kalupa yung tau. Baket aisip yung bandi ye ing bansa?

Ezekiel 44:7

Mesalaula ya ing Templo ku uling peintulutan yu lang linub ding dayuan a e mesirkunsisyun at ding marinat a pamisip at pusu inyang inain yu ing taba at ing daya da ring animal para ain-sakripisyu. Inya dinatan de ing Templo ku. At ikayu naman, subali pa karetang bage makasumaming depat yu, lebagan ye pa ing kakung kasunduan.

Levitico 17:11

Uling ing bie atyu king daya at iti ya ing sangkan nung inya aku, ing Ginu, inutus ku king idala ing daya king altar ban panatbus king bie yu at king kasalanan da ring tau. Uling ing bie atyu king daya at ya ing makalako king kasalanan.

Levitico 19:26

E kayu mamangan king isanu mang karning atin pang daya. E kayu gagawang nanumang pamagsalamangka o pamangkukulam.

Levitico 26:17

Painggulutan da kayu ban masambut kayu karing kalaban yu; ding sumakup kekayu ila ring taung masama kekayu; mamulayi kayu king takut agyang pang alang tatagal kekayu.

Levitico 3:17

Alang Israelita a malyaring mangan taba o daya; iti metung yang tuntunan a sukat matupad king kapilan pa man at nukarin la man manuknangan.

Amos 9:4

Nung sakali namang mabihag la karing kalaban da, iyutus ku karing makabihag karela ing paten da la. Inari ku na king lub ku king gisanan ku la lahi at e saupan.

Ding Dapat 15:20

Nune kailangan tamung sumulat karela king makagyu na ing mangilag lang mamangan king isanu mang midinatan uli na ning iti miyain karing idolo; king mangilag la king pamakipangalugud, mangilag lang mamangan king karni da ring animal a pete rang e peparayan ampon king pamamangan daya.

Ding Dapat 15:29

mangilag kayu king pamangan a miyain karing idolo; e kayu mamangan daya; e kayu mamangan king karni da ring animal a pete rang e peparayan, at dumayu kayu king sablang imoralidad. Pangilagan yu ngan iti at e kayu milisia king matulid. Angga na keni.

Deuteronomio 12:16

E yu malyaring kanan ing daya; iti kailangan itugtug king gabun anting danum.

Deuteronomio 12:23

Mu pin e ye malyaring kanan itang karning ating daya, uling atyu king daya ing bie. E yu sukat kakanan ing bie a atyu king daya. Itugtug yu ing daya king gabun anting danum.

Deuteronomio 15:23

Mu pin, e yu kakanan ing daya. Itugtug yung anting danum ing daya king gabun.

Hebreo 10:29

e kasi lalu yang mabayat ing parusang dugpa king taung maninsultu king Anak ning Dios at lalapastangan king dayang meging katibayan na ning tipan ning Dios at pepabanal keya at king taung maninsultu king Espiritung magdalang lunus?

1 Samuel 14:32

E no mekapanaguanta ding sundalus. Mengasubsub la king banding ikua ra. Dinakap lang tupa, baka, at biserung baka at saka ra la kinatat. Pengan da la; e ra no peparayan man.

1 Samuel 14:33

Kanita ating sinumbung kang Saul. Ngana, Lawan yu, mikakasala la ding tau laban king Ginu; mamangan lang karning ating daya. Nganang Saul, Karagul na ning kataksilan a gewa yo! Idala ye kanaku at iparugang kening lele ku ing metung a maragul a batu.