Levitico 16:7 - Ing Mayap a Balita Biblia

⁷ Kaybat na nita, idala na la ring aduang kambing king tulid nang pasbul ning Toldang tuknangan ku, ing Ginu.

Levitico 16:7 Iomraidhean Croise

Levitico 1:3

Malyari yang kumang metung karing baka na a alang dipektu neng miyayain yang ain-a-durulukan ing ninuman kekayu. Idala ne iti king tulid na ning pasbul ning Toldang tuknangan ku ban maging karapatdapat ya kanaku.

Levitico 16:6

Miyain ya namang metung a toro bilang ain-a-kapamayaran-king-kasalanan para king sarili nang kasalanan, at para karing kasalanan da ring pamilya na.

Levitico 16:8

King kapamilatan na ning bagutan abalu na nung isanu kareting aduang kambing ing mangaintulid kanaku, at nung isanu ing mangaintulid kang Azazel.

Levitico 4:4

Idala ne ing toro king tulid nang pasbul ning Tolda; itumpak ne ing gamat na king buntuk na ning toro at paten ne karin king arapan ku, ing Ginu.

Mateo 16:21

Manibat na kanita pepakilala nang Jesus karing alagad na king kailangan yang munta Jerusalem at dumalan dakal a kasakitan king gamat da ring makatua na ning balen, ding pamuntuk da ring pari, at ding talaturu ning Kautusan, at ipapate re. Oneng king katlung aldo subli yang mie.

Roma 12:1

Inya, kapatad ku, king uli na ning maragul nang lunus ning Dios kekatamu, ipakisabi kung mayap kekayu: samban ye king kapamilatan na ning pamiyain yu karing kekayung katawan bilang mabie at banal a ain, tune babie tula king Dios. Iti ya ing tune kapanyamban a kailangan yung iyain keya.