Levitico 16:4 - Ing Mayap a Balita Biblia

⁴ Sukat ya pa mung mandilu i Aaron bayu ya lungub king Kabanal-banalan a Lugal, at kaybat isulud na la ring imalan-pari; ing barung linen a makaba takde ampon ding salol a makuyad, ing paha at ing linen a turban.

Levitico 16:4 Iomraidhean Croise

Exodo 28:2

Ipagawa meng imalan pari i Aaron a kapatad mu; imalan a munie dangal at sintingan king obra na.

Exodo 29:4

Ituki me i Aaron at ding anak na king lele na ning pasbul ning Toldang tuknangan ku at karin mu parapat ing seremonia ning pamaglinis.

Exodo 30:20

bayu la lungub king Toldang tuknangan ku o kaya bayu la lumapit king altar ban miyain king ain-a-kakanan. E la mate nung daptan da iti.

Exodo 40:12

Ituki me i Aaron at ding anak nang lalaki king pasbul ning Tolda at papandiluan mu la karin, agpang king aduan na ning seremonia ning pamaglinis.

Isaias 53:2

Kaburian ning Ginu king ing talasuyu na tumubu yang anting tanaman a magyamut king malanging gabun. Ala yang dangalan o leguan ban kekatamu yang pansinan. Alang nanumang makawili king talasuyu na ban lapitan ta ya mo sana.

Ezekiel 44:19

Potang munta la king patyung atyu king kilual nung nu la karin ding tau, sukat dang ilukas ing imalan a ginamit da inyang sinuyu la kanaku king Templo at lakuan da iti king sagradung kuartu. Misulud lang aliwang imalan ban e la manasakit ding taung makatagkil karela.

Ezekiel 9:2

Agad-agad lang dinatang ding anam a lalaking ibat king lual ning pasbul dalan king dane norti ning Templo. Magdala yang sandata ing balang metung karela. Kayabe re ing metung a lalaking makaimalan linen; magdala yang bage paniulat king awakan na. Dinatang la ngan at tinalakad king lele ning altar a tangsu.

Levitico 16:23

Kaybat na nita, lungub ya i Aaron king Tolda; ilukas na ing imalan nang pari a sinulud na bayu ya linub king Kabanal-banalan a Lugal at lakuan na karin.

Levitico 16:24

Mandilu ya king metung a lugal a sagradu at isulud na ing sarili nang imalan. Kaybat na nita, lumual ya at iyain ne ing ain-a-durulukan para king sarili nang kasalanan at para karing memalen.

Levitico 16:32

Ing Pamuntuk da ring Pari a miyordinan at mitalaga kayalili nang tata na, ya ing ganap king pamaglinis king kasalanan. Isulud na ing imalan-pari

Levitico 6:10

Kaybat na nita, isulud ne ning pari ing barung makabang linen ampon salol a linen at saka na ilako ing abu. Ibili na iti king lele na ning altar.

Levitico 6:3

o payalian ne ing metung a bage a apulut na at sinumpa yang e ne ikit.

Lucas 1:35

Pekibat na ning anghel, Datang ya keka ing Banal a Espiritu at lilungan na ka ning upaya na ning Dios. Uli na niti, mayaus yang Anak ning Dios ing banal a anak a mibait keka.

Filipos 2:7

Nune linubas na ing sarili na king sablang kamalan; mekilupa ya karing tau, at kinua na ing aske ning metung a ipus.

Hebreo 10:22

Inya kailangan tamung lumapit king Dios a kayabe ning matibe kasalpantayanan, at ning matatag a kapanaligan. Lumapit tamu king Dios a ating malinis a konsiensia ngening milako na la dinat ding kekatamung pusu at mewas la ding katawan tamu king danum a dalise.

Hebreo 2:14

Anti na ning ding sablang anak, antimo ing aus na karela, tau lang ating laman at daya, i Jesus mismu mekilupa ya karela at mekisanmetung ya king karelang pangatau. Depat na iti ban king kapamilatan na ning kamatayan na akua neng paten ing diablo a makikayupayan king kamatayan.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.