Levitico 16:3 - Ing Mayap a Balita Biblia

³ Oneng malyari yang lungub king Kabanal-banalan a Lugal pota mung kaybat nang mekayain metung a biserung toro bilang ain-a-kapamayaran-king-kasalanan, at metung a lalaking tupa bilang ain-a-durulukan.

Levitico 16:3 Iomraidhean Croise

Levitico 1:10

Neng miyayain yang tupa o kambing a durulukan ing ninuman, kailangan ing lalaki ya at ala yang dipektu.

Levitico 1:3

Malyari yang kumang metung karing baka na a alang dipektu neng miyayain yang ain-a-durulukan ing ninuman kekayu. Idala ne iti king tulid na ning pasbul ning Toldang tuknangan ku ban maging karapatdapat ya kanaku.

Levitico 16:6

Miyain ya namang metung a toro bilang ain-a-kapamayaran-king-kasalanan para king sarili nang kasalanan, at para karing kasalanan da ring pamilya na.

Levitico 4:1

Ngana ning Ginu kang Moises,

Levitico 4:3

Nung ing mikasala ya ing Pamuntuk da ring Pari at uli na niti midame la ding tau king pamikasala na, sukat yang miyain biserung toro a alang dipektu, at iyain ne iti kanaku, ing Ginu, para king kasalanan na.

Levitico 8:14

Kaybat na nita, pepakua neng Moises ing biserung toro para king ain-a-kapamayaran-king-kasalanan. Timpak neng Aaron at ding anak nang lalaki ding gamat da king buntuk na ning animal.

Levitico 8:18

Kaybat na nita, kinua neng Moises ing lalaking tupa para king ain-a-durulukan. Timpak na la ring gamat nang Aaron at ding anak nang lalaki king buntuk na ning lalaking tupa.

Levitico 9:2

Nganang sinabi kang Aaron, Kuma kang metung a biserung toro at metung a lalaking tupa a parehung alang dipektu. Iyain me ing biserung toro bilang ain-a-kapamayaran-king-kasalanan at ing lalaking tupa bilang ain-a-durulukan.

Levitico 9:3

Sabian mu munaman karing memalen na ning Israel ing magdala lang lalaking kambing a iyain da bilang ain-a-kapamayaran-king-kasalanan. Magdala la namang baka a pabanua tua at tupa a pabanua munaman a tua. Kailangan king deti ala lang dipektu para king ain-a-durulukan.

Hebreo 9:12

Misan ya mu linub king Kabanal-banalan a Lugal i Cristo at ita sapat na para kapilan man. E ra daya ding kambing at biserung baka ing darala nang ain anting sakripisyu, nune ing sariling daya na at apakiabutan na ing alang anggang kaligtasan para kekatamu.

Hebreo 9:7

Oneng bukud mung ing Pekapun ding Pari ya ing lulub king kaduang dake at daraptan na iti misan mu king pabanua. Magdala yang daya a iyain na king Dios para king sarili nang kasalanan at para karing kasalanan a arapat da ring tau king e ra balu.