Levitico 16:2 - Ing Mayap a Balita Biblia

² Ngana ning Ginu kang Moises, Sabian mu kang Aaron a kapatad mu king e nia kabud lulub king tabing ning Kabanal-banalan a Lugal nune mu king mitakdang panaun, uling karin ku papakit libutad ning metung a biga tulid ning takap ning Kaban ning Kasunduan. Mate ya, nung e ya tupad kaniti.

Levitico 16:2 Iomraidhean Croise

1 Ari 6:16

King kakilubkiluban na ning Templo pepagawa yang kuartu a pemansagan nang Ing Kabanal-banalan a Lugal. Atin yang atlung pulung talampakan king kaba a maka partisyun king tablang sedro manibat king suelo angga na king kisami.

1 Ari 8:6

Kaybat na nita, linub de ring pari ing Kaban ning Kasunduan ning Ginu king Templo at binili de king Kabanal-banalan a Lugal lalam da ring pakpak da ring kerubin.

2 Cronica 5:14

Inya e ra agampanan ding pari ing karelang katungkulan uling mengatmu ya ing Templo ning Dios king ligaya na ning pangayatyu na.

Exodo 30:10

Misan king pabanua sukat neng gampanan Aaron ing seremonia ning pamaglinis keting altar king kapamilatan na ning pamangaskas na karing apat nang sagu king daya ning animal a miyain para king pangapatawaran na ning kasalanan. Sukat marapat iti misan king pabanua at king kapilan pa man. Sukat yang lubus banal iting altar a makatalaga para kanaku, ing Ginu.

Levitico 16:13

Karin king arapan ku, ing Ginu, ibili na king uling a mibabaya ing insenso ban pampanan ne ning asuk ning insenso ing takap na ning Kaban ning Kasunduan ban e ne akuang akit at e ya mate.

Levitico 16:34

Manatili ya iting tuntunan king sablang panaun; tuparan ya misan kilub ning pabanua ban mipatawaran ing sabla rang kasalanan. At tiparan nang Moises ing sablang inutus na ning Ginu.

Levitico 23:27

Ing kapulung aldo na ning kapitung bulan aldo ne ning pamanisi at pangapatawaran ning kasalanan. E kayu bitasang mamangan nanuman king aldong ita; mitipun kayu para samba at miyain ain-a-pamangan kanaku, ing Ginu.

Levitico 8:35

Manatili kayu tulid na ning pasbul ning Tolda kilub ding pitung aldo at bengi. Iti ya ing utus na ning Ginu. Tuparan yu sa ing utus na ban e kayu mangamate.

Ding Bilang 17:10

At ngana ning Ginu kang Moises, Ibalik me ing tukud nang Aaron king arap ning Kaban ning Kasunduan ban maging palatandanan ya karing Israelitang mapaglaban ban tuknang na lang magreklamu, nung ali mangamate la.

Ding Bilang 18:7

Bukud mung ika at ding anak mu ing ganap king katungkulan pari, itang ating kaugnayan king altar at king nanumang atyu king Kabanal-banalan a Lugal. Ila deti ring pakibatan mu, uling binie ku keka bilang regalu ing panga-pari. Paten ya ing ninumang e karapatdapat lalapit king altar.

Ding Bilang 4:19

king kapamilatan na ning paglapit da karing sagradung kasangkapan. Ban e la mate ituru na lang Aaron at ding anak nang lalaki ing sukat dang idala at gawan.

Ding Bilang 4:5

Potang oras na ban lumipat king aliwang lugal, i Aaron at ding anak nang lalaki ila ring lungub king Tolda ban kalag king tabing arap ning Kaban ning Kasunduan at takpan de ing Kaban kaniting tabing.

Mateo 27:51

Ketang penandit a ita megabak ya ing kortina na ning Templo manibat babo angga lalam. Minayun at mebangal la ding batung mangaragul at

Hebreo 6:19

Ing kapanayan a iti ya ing peka sinipete na ning bie tamu. Matatag at matibe at mamabut angga king sumangid na ning tabing ning Templo, at tataglus angga king kakilub-kiluban na ning tuknangan na ning Dios.

Hebreo 9:25

Ing Pekapun ding Pari da ring Judio lulub ya king Kabanal-banalan a Lugal balang banua, at magdala yang daya da ring animal. Oneng i Cristo linub ya misan mu ba nang iyain ing sarili na at ita makagyu na.

Hebreo 9:3

Ing kaduang dake a atyu king kagulutan na ning kaduang tabing ya itang ausan dang Kabanal-banalan a Lugal.

Hebreo 9:5

Bandang babo na ning Kaban atyu la ding kerubin a pakilala king atyu karin ing Dios. Makaladlad la ding pakpak da babo na ning luklukan nung nu la mipatawaran ding kasalanan. Oneng e mi na ilarawan tunggal-tunggal ngeni ing heganagana.

Kapahayagan 15:8

Kinatmu ya ing Templo king asuk a manibat king ligaya at upaya na ning Dios, at alang makalub king Templo anggang e la metupad ding pitung salut a darala ra ding pitung anghel.