Levitico 16:12 - Ing Mayap a Balita Biblia

¹² Kaybat, kuanan ne ing insensaryung mitmung mibabayang uling king altar. Kuma ya namang aduang kasakmal a mabanglung insensong mapinu at idala na iti kilub na ning Kabanal-banalan a Lugal.

Levitico 16:12 Iomraidhean Croise

Exodo 31:11

ing larung paglania, at ing mabanglung insenso para king Banal a Lugal. Sukat dang tukian masalese ing sablang inutus ku kekang gawan da.

Exodo 37:29

Ya naman ing ginawa king sagradung laru a paglania, at king mabanglung insenso a alang samut a singkapan antimo ing daraptan da reng mangawang pabanglu.

Levitico 10:1

Kinua na lang Nadab at Abihu a anak nang lalaking Aaron ding karelang insensaryu; dininan da lang baya at saka ra biburan insenso ing baya. Kaybat, inain da iti arapan na ning Ginu. Oneng e makayagpang iting api king kautusan; ala yang kautusan ing Ginu tungkul kaniti.

Ding Bilang 16:18

Inya itang kabukasan, ing metung at metung dela ne ing sarili nang insensaryu; dininan neng uling a mibabaya ampon insenso at minta la at tinalakad a kayabe da ri Moises at Aaron king arap ning Tolda.

Ding Bilang 16:46

Kaybat, nganang Moises kang Aaron, Malagua ka, kuanan me ing kekang insensaryu, dinan meng uling a mibabaya ibat king altar, dinan meng insenso, at kaybat dalan me karing taung deti ban ipaniawad mu lang tawad king Ginu uli na ning mikalabkab na ing mua na at megumpisa na ing salut.

Deuteronomio 33:10

Ding Kautusan mu at tuntunan karing memalen ning Israel tuturu na la ngan. Mibili yang insenso king kekang altar, at babie ain king kekang arapan.

Hebreo 9:14

lalung maygit e palak kaniti ing arapat na ning daya nang Cristo a king kapamilatan na ning Espiritung alang angga inain na ing sarili na bilang ganap a sakripisyu king Dios. Ing daya na ya ing makalinis karing pusu tamu at kaisipan ban manibat king sablang dapat a alang kabaldugan asuyuan ta ya ing Dios a mabie.

Hebreo 9:7

Oneng bukud mung ing Pekapun ding Pari ya ing lulub king kaduang dake at daraptan na iti misan mu king pabanua. Magdala yang daya a iyain na king Dios para king sarili nang kasalanan at para karing kasalanan a arapat da ring tau king e ra balu.

1 Juan 1:7

Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.

Kapahayagan 8:5

Kaybat na nita, kinua ne ning anghel ing insensaryu, at kitmuan neng aping ibat king altar, at inatsa ne king yatu. At sinalisi ing duldul, inge, kildap, at ayun.