Levitico 16:10 - Ing Mayap a Balita Biblia

¹⁰ Iyain neng mabie Aaron kanaku, ing Ginu, ing kambing para kang Azazel at saka ne ibulus king disyerto papunta kang Azazel ban ilako na niti ing kasalanan da ring tau.

Levitico 16:10 Iomraidhean Croise

Levitico 14:7

Pisikan neng pitung besis king daya ing taung bisang mideklarang melinis na king sakit na king balat. Kaybat na nita, ideklara na neng malinis. Ibulus ne king marangle itang ayup a makatagan.

Levitico 16:8

King kapamilatan na ning bagutan abalu na nung isanu kareting aduang kambing ing mangaintulid kanaku, at nung isanu ing mangaintulid kang Azazel.

Levitico 16:9

Paten ne ing kambing a para kanaku, at iyain neng Aaron bilang ain-a-kapamayaran-king-kasalanan.

Roma 3:25

Telaga ne ning Dios bilang ain a kapamayaran ban king pamipatulu na king daya na mipatawaran la kasalanan ding tau king kapamilatan na ning pamanialpantaya ra keya. Depat na ning Dios iti ban ipakilala na ing kabanalan na. Kanitang minuna pibabata na la at e na la pinsinan ding kasalanan da ring tau;

Roma 4:25

i Jesus a pete ra uli da ring kekatamung kasalanan, at mipasublian mie ba tamung mipawalan kasalanan.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

1 Juan 2:2

Uling i Jesu-Cristo mismu ya ing menatbus karing kasalanan tamu at aliwa mu karing kasalanan tamu, nune pati na karing kasalanan da ring sablang tau.

1 Juan 3:16

Kaniti ta ya akikilala ing tune lugud: inain nang Cristo ing bie na king uli tamu. Kailangan tamu namang iyain ing bie tamu king uli da ring kapatad.