Levitico 15:5 - Ing Mayap a Balita Biblia

⁵ Sukat nang pipian ing susulud nang imalan ning ninumang makatagkil king pagkeran na, at saka ya mandilu, at ituring yang e malinis angga king kabengian.

Levitico 15:5 Iomraidhean Croise

Ding Dalit 26:6

Ginu, wasan ku la ding kakung gamat anting tanda king ala kung depat a pamikasala; kekang altar kaku yang lapitan.

Ding Dalit 51:2

Linisan mu ing sablang kakung karinatan, at patawaran mung kakung kasalanan.

Ding Dalit 51:7

Wasan mu ing kasalanan ku, at luminis ku. Wasan mu ku, at maging maputi ku; maputi pa kesa king yelu.

Exodo 19:10

at ngana ning Ginu, Moises, puntalan mu la ding tau at sabian mu karela king gamitan de ing aldong iti ampon ing bukas king pamagsadia para king pamanyamba. Sukat dang pipian ing imalan da,

Isaias 1:16

Wasan mu ing kekang sarili. Maglinis ka! Tuknang na kang darapat e mayap king akakit ku. Tuknang na kang darapat e mayap

Isaias 22:14

Ing mismung Ginung Dios a Mayupaya ing migsalita kanaku. Ngana, E ku malyaring patawaran ing e ustung dapat kabang mabibie la. Aku, ing Ginung Dios a Mayupaya, ing migsalita.

Ezekiel 36:25

Pisikan da kayu king danum a malinis at gawan da kayung malinis king dinat da ring kekong idolo at king aliwang bage minie dinat kekayu.

Ezekiel 36:29

Iligtas da kayu king sablang bage a makarinat kekayu. Utusan kung magpakarakal ing binutil ban e yu na kapilan man dalanan pa ing danup.

Levitico 11:24

Ing ninumang tagkil karing bangke da reti maging marinat ya angga king kabengian.

Levitico 11:25

Ing ninumang talan kareting mebanggit a lelangan ibilang yang e malinis angga itang kabengian, at kailangan ing pipian na ing imalan a susulud na.

Levitico 11:28

Kailangan ing pipian na ing imalan a susulud na ning mekatagkil, at ituring yang marinat angga itang kabengian.

Levitico 11:32

At nung ing bangke ning isanu pa man kareti atin yang digpanan a bage, maging marinat ya ita. Inya ing isanu mang kasangkapan a midagpanan karetikasangkapan ya o bage megawa king dutung, imalan, balat, silisyo o nanuman, sukat yang ibabad king danum, oneng manatili ya pamu ring e malinis angga itang kabengian.

Levitico 13:34

King kapitung aldo siasatan neng pasibayu ning pari ing baya, at nung e ya mikalat at e tinaglus malalam king laman, ideklara na neng malinis ning pari. Pipian na ning mika sakit ing susulud nang imalan at maging malinis ne.

Levitico 13:6

Kaybat na ning kapitung aldo, siasatan neng pasibayu at nung kinayap ne ing baya at e ya mikalat, ideklara neng malinis na uling metung ya mung baya. Pipian na kanita ning mika baya ing susulud nang imalan at saka ya mandilu.

Levitico 14:27

at king metung nang taliri ning wanan nang gamat ipisik nang pitung besis iting laru karin king arapan ku, ing Ginu.

Levitico 15:18

Kaybat dang misiping ning metung a lalaki at ning metung a babai, sukat lang parehung mandilu, oneng manatili lang e malinis angga king kabengian.

Levitico 15:4

Maging e munaman malinis ing isanu mang pigkeran na o piluluklukan na.

Levitico 15:6

Makanyan munaman ing daptan na ning linukluk king luklukan na; pipian na ing susulud nang imalan, at saka ya mandilu. Ituring ya namang e malinis angga king kabengian.

Levitico 16:26

Ita namang lalaking mitabi king kambing papunta kang Azazel king disyerto, sukat yang mandilu at saka na pipian ing susulud nang imalan bayu ya magbalik lungub king kampu.

Levitico 16:28

Sukat nang pipian ing susulud nang imalan ning taung manyilab kaniti, at saka ya mandilu bayu ya magbalik lungub king kampu.

Levitico 17:15

Ing ninumang mangan, Israelita ya man o dayuan, king karni na ning animal a mete na kabud o kaya piglapak da ring mabangis a animal, sukat nang pipian ing susulud nang imalan at mandilu ya, oneng ituring yang e malinis angga king kabengian.

Ding Bilang 19:10

Pipian na ning lalaking menipun king abu ning baka ing imalan na, oneng manatili yang e malinis angga itang bengi, agpang king Kautusan. Manatili ya iting tuntunan king kapilan pa man para karing Israelita at para karing dayuan a makipamalen karela.

Ding Bilang 19:22

Ituring yang e malinis ing nanumang tigkilan na ning taung e malinis, at ing ninumang tagkil karing tigkilan na manatili yang e malinis angga itang bengi.

Hebreo 10:22

Inya kailangan tamung lumapit king Dios a kayabe ning matibe kasalpantayanan, at ning matatag a kapanaligan. Lumapit tamu king Dios a ating malinis a konsiensia ngening milako na la dinat ding kekatamung pusu at mewas la ding katawan tamu king danum a dalise.

Hebreo 9:14

lalung maygit e palak kaniti ing arapat na ning daya nang Cristo a king kapamilatan na ning Espiritung alang angga inain na ing sarili na bilang ganap a sakripisyu king Dios. Ing daya na ya ing makalinis karing pusu tamu at kaisipan ban manibat king sablang dapat a alang kabaldugan asuyuan ta ya ing Dios a mabie.

Hebreo 9:26

Nung e makanyan ing gewa na, e kasi kailangan ing ulit-ulit yang mamamate manibat na kanitang melalang ya ing yatu. Oneng pepakit ya misan mu at para king kapilan pa man ngening malapit nang mapupus ing panaun, ba nang ilako ing kasalanan king kapamilatan na ning pamisakripisyu na king sarili na.

Santiago 4:8

Lumapit kayu king Dios, at lumapit ya kekayu ing Dios. Wasan yu la ding gamat yu, ikayung palpikasala! Linisan yu la ding pusu yu, ikayung pabayu-bayu pamisip!

Kapahayagan 7:14

Pekibat ku, E ku pu balu, ginu. Ikayu pu ing makibalu. Ngana kanaku, Ila deti ring migtagumpe king maragul a pangalupig. Pinipi ra at pepalto puti ing imalan da king kapamilatan na ning daya ning Kordero.

1 Samuel 20:26

Makanyan man ala yang sinabi ketang aldong ita tungkul kang David uling inisip na king ating milyari o kaya naman e ya malinis inya e ya tinagun king piesta.