Levitico 15:21 - Ing Mayap a Balita Biblia

²¹ Sukat yang mandilu ing ninumang makatagkil king pagkeran na; pipian na ing susulud nang imalan at saka ya mandilu, oneng manatili yang e malinis angga king kabengian.

Levitico 15:21 Iomraidhean Croise

Isaias 22:14

Ing mismung Ginung Dios a Mayupaya ing migsalita kanaku. Ngana, E ku malyaring patawaran ing e ustung dapat kabang mabibie la. Aku, ing Ginung Dios a Mayupaya, ing migsalita.

Levitico 11:24

Ing ninumang tagkil karing bangke da reti maging marinat ya angga king kabengian.

Levitico 15:20

Maging e malinis ing isanu mang bage aluklukan na o apagkeran na kabang makaratang ing regla na.

Levitico 15:22

Sukat yang mandilu ing ninumang makatagkil king nanumang aluklukan na niting babai; pipian na ing susulud nang imalan, oneng ituring yang e malinis angga king kabengian.

Ding Bilang 19:22

Ituring yang e malinis ing nanumang tigkilan na ning taung e malinis, at ing ninumang tagkil karing tigkilan na manatili yang e malinis angga itang bengi.

2 Corinto 7:1

Pakamalan a kakaluguran, anti na ning makanyan ing mipangaku kekatamu, kailangan tamung linisan ing kekatamung sarili king sablang babie dinat king kekatamung katawan at espiritu. Magkapilit tamung mika ganap a kabanalan at mibiebie a ating takut king Dios.

Hebreo 9:26

Nung e makanyan ing gewa na, e kasi kailangan ing ulit-ulit yang mamamate manibat na kanitang melalang ya ing yatu. Oneng pepakit ya misan mu at para king kapilan pa man ngening malapit nang mapupus ing panaun, ba nang ilako ing kasalanan king kapamilatan na ning pamisakripisyu na king sarili na.

Kapahayagan 7:14

Pekibat ku, E ku pu balu, ginu. Ikayu pu ing makibalu. Ngana kanaku, Ila deti ring migtagumpe king maragul a pangalupig. Pinipi ra at pepalto puti ing imalan da king kapamilatan na ning daya ning Kordero.