Levitico 14:8 - Ing Mayap a Balita Biblia

⁸ Pipian na ning taung mideklarang malinis ing susulud nang imalan at pakalbu ne ing buntuk na at saka ya mandilu. Kanita malinis ne. Malyari neng lungub king kampu, pero sukat yang manuknangan pitu pang aldo lual na ning tolda na.

Levitico 14:8 Iomraidhean Croise

2 Cronica 26:21

E kinayap ing sakit nang leprang Aring Uzzia angga king mete ya. Menuknangan yang magdili-dili king metung a bale, at e ya makalub king Templo ning Ginu uli na ning sakit nang lepra. Ing anak nang i Jotam ya ing memahala king palasyu at king mabilug a kayarian.

Exodo 19:10

at ngana ning Ginu, Moises, puntalan mu la ding tau at sabian mu karela king gamitan de ing aldong iti ampon ing bukas king pamagsadia para king pamanyamba. Sukat dang pipian ing imalan da,

Exodo 19:14

Kaybat na nita, kinuldas ya i Moises king bunduk, at sinabi na karing tau king magsadia na la para king pamanyamba. Inya pinipi ra ing imalan da.

Levitico 11:25

Ing ninumang talan kareting mebanggit a lelangan ibilang yang e malinis angga itang kabengian, at kailangan ing pipian na ing imalan a susulud na.

Levitico 14:20

at iyain ne iti pati na ing ain-a-binutil king altar. Makanyan nang gampanan ning pari ing seremonia na ning pamaglinis, at maging malinis ya ing tau.

Levitico 14:9

King kapitung aldo, pasibayu yang pakalbu, labahasan na ing balbas na, ing kile na, at ing heganaganang buak na king mabilug nang katawan; pipian na ing susulud nang imalan at saka ya mandilu. Maging malinis ne kanita.

Levitico 15:13

Nung kumayap ya ing taung ating sakit king anti kaniti, manaya ya pa mung pitung aldo, at kaybat na nita pipian na ing susulud nang imalan at saka ya mandilu king kasaklu-saklung danum. Kanita ya pa mu maging malinis.

Levitico 8:6

Pepalapitan neng Moises i Aaron at ding anak nang lalaki agpang king aduan nang pamaglinis ning kautusan, at saka na la pepandiluan.

Ding Bilang 6:9

Nung sakaling bigla yang mete ing metung a taung atyu lele ning Nazareo at mirinatan ya ing buak nang makatalaga, kanita labahasan ne ing buak na king aldo ning pamaglinis na kalabas na ning pitung aldo.

Ding Bilang 8:7

Anti kaniti ing daptan mu king pamaglinis karela: pisikan mu la king danum a panlinis, labahasan ya ing mabilug dang katawan, at papipi mu karela ing imalan da.

Deuteronomio 21:12

Iyuli me bale mu at kalbuan, pututan la ding makaba nang kuku,

1 Pedro 3:21

Ing binyag a lalarawan na ning danum ya ngeni ing makaligtas kekayu. Iti e ya mistulang pamanos king dinat na ning katawan, nune metung yang pangakung sasabian na ning tau king Dios ibat king malinis a konsiensia. Makakabus kekayu ing binyag king kapamilatan na ning pangasubli nang mebie Jesu-Cristo

Kapahayagan 7:14

Pekibat ku, E ku pu balu, ginu. Ikayu pu ing makibalu. Ngana kanaku, Ila deti ring migtagumpe king maragul a pangalupig. Pinipi ra at pepalto puti ing imalan da king kapamilatan na ning daya ning Kordero.