Levitico 14:4 - Ing Mayap a Balita Biblia

⁴ Nung kinayap na ing lepra na, iyutus na ning pari king magdala yang kaparis a ayup a mabie at malinis ampon kapirasung dutung a sedro, metung a malutung tali, at metung a kapakling sangang hisopo.

Levitico 14:4 Iomraidhean Croise

Ding Dalit 51:7

Wasan mu ing kasalanan ku, at luminis ku. Wasan mu ku, at maging maputi ku; maputi pa kesa king yelu.

Exodo 12:22

Kuma kayu namang sangang hisopo at isoso ye king daya a makadatuk king palanggana, at kaskasanan ye ing babo at ding mingatbang amba da ring kekayung pasbul bale. Ala kayung palualan ninuman king bale angga itang abak.

Levitico 1:14

Nung miyayain yang ayup a dulukan ing ninuman, batu-batu o kaya pitsun ing idala na.

Levitico 12:8

Nung e ne agyung iyain ing metung a biserung tupa, malyari yang magdalang kaparis a patipati o kaya kaparis a batu-batu; metung para king ain-a-durulukan at ing metung para king ain-a-kapamayaran-king-kasalanan. Gampanan ne ning pari ing seremonia na ning pangapatawaran a makalako king panga-dinatan na ning babaing ibat menganak. Kaybat na nita, maging malinis ne.

Levitico 14:5

Kaybat, iyutus na ning pari ing paten ne ing metung karing ayup tulid na ning metung a banga a maki kasaklu-saklung danum.

Levitico 14:6

Kaybat na nita, kuanan ne ing metung pang ayup at isoso ne iti king daya na ning mepate ayup at ing kapirasung dutung a sedro at ning taling malutu ampon ning kapakling sangang hisopo.

Levitico 5:7

Nung e ne agyung iyain ning ninuman ing metung a tupa o kambing, miyain yang aduang pitsun kanaku, ing Ginu, o kaya aduang batu-batu bilang kapamayaran king depat nang kasalanan. Miyain ya ing metung karing ain-a-kapamayaran-king-kasalanan at ing metung bilang ain-a-durulukan.

Ding Bilang 19:18

Kaybat kuma yang tangke ning hisopo ing taung tuturing nang malinis ning kautusan, itiltil ne king danum at pisikan ne ing Tolda, ding sablang kasangkapan, ding sablang taung atyu kilub, antimu rin ing taung mekatagkil king butul o king bangke ning taung metepete re man iti o ali o ing kutkutan.

Ding Bilang 19:6

Kaybat ing pari kuma yang dutung a sedro, hisopo, at malutung tali at iyatsa na la reti libutad na ning api nung nu ya durulukan ing baka.

Hebreo 9:19

Muna, sinabi ne pa mung Moises ing balang metung karing tuntunan a mababanggit king Kautusan. Kaybat, kinua na ing daya da ring biserung baka at kambing a semutanan danum. Sinoso ne kaniti ing malutung lana at ing sanga na ning hisopo at pisikan ne king daya ing libru ning Kautusan ampon ding sablang tau.