Levitico 13:8 - Ing Mayap a Balita Biblia

⁸ Siasatan neng pasibayu ning pari at nung mikalat ya ing baya, ideklara neng e malinis ing tau, uling ing sakit na lepra.

Levitico 13:8 Iomraidhean Croise

Levitico 13:2

Nung kayaltawan yang baya ing ninuman king balat na o ating mangatdas o ating minaliwa kule king balat na at linto, atin yang sakit a lepra; sukat yang idala kang Aaron o king metung karing anak nang pari.

Levitico 13:3

Siasatan ne ning pari ing sakit a linto king balat at nung ing buak-buakan king dake a ating sakit meputi at meyakit king ing sakit managlus lalam ning balat, iti lepra ya at ideklara neng e malinis ning pari ing anti kanitang taung ating sakit king balat.

Levitico 13:7

Nung ikua nang mikalat ning baya kaybat neng siniasat ning pari ampon dineklarang malinis, sukat yang makikit pasibayu king pari.

Levitico 13:9

Nung mika lepra ya ing ninuman, kailangan yang idala king pari

Ding Bilang 5:2

Iyutus mu karing memalen na ning Israel ing palakuan da la king kampu ding sablang maki sakit lepra o ating tulu, at ing ninumang e malinis uli na ning mekatagkil yang mete tau.

Ding Dapat 8:21

E ka kayabe o karake king obra mi uling ing pusu mu marayu ya king Dios.

2 Pedro 2:19

Pangakuanan da lang kalayaan, samantalang ila mismu ipus na la ning panugaling makasira; uling ing tau ipus ne ning nanumang makasupil keya.