Levitico 13:2 - Ing Mayap a Balita Biblia

² Nung kayaltawan yang baya ing ninuman king balat na o ating mangatdas o ating minaliwa kule king balat na at linto, atin yang sakit a lepra; sukat yang idala kang Aaron o king metung karing anak nang pari.

Levitico 13:2 Iomraidhean Croise

2 Samuel 3:29

Dugpa sana ing parusa kang Joab at king pamilya na! E milako karing lahi nang lalaki ing sakit a gonorrea o lepra o ing makapagobra mu king obrang babai o ing kamatayan king labanan o danup!

2 Ari 5:1

I Naaman ya ing pekapun da ring sundalus ning Siria, marangal ya at kapuri-puring lalaki king akakit na ning ari ning Siria, uling king kapamilatan na pepagtagumpen na la ning Ginu ding sundalus ning Siria. Matapang ya, oneng atin yang sakit a lepra.

2 Ari 5:27

Inya milipat keka ing lepra nang Naaman at karing maging lahi mu king kapilan man. Mikasakit yang lepra i Gehazi; maputi yang anting yelu ing balat na inyang meko ya king arapan nang Eliseo.

Isaias 1:6

Ala nang masalese king katawan mu manibat king buntuk angga king talampakan. Mitmu kang galus, late, at sugat a nanaknak. E la pa melanggas ni miyaptasan man ding sugat mu o mikaskasanan panulu.

Isaias 3:17

Oneng parusan ku la at kalbuan.

Levitico 13:1

Nganang migsalita ning Ginu kang Moises at Aaron,

Levitico 13:3

Siasatan ne ning pari ing sakit a linto king balat at nung ing buak-buakan king dake a ating sakit meputi at meyakit king ing sakit managlus lalam ning balat, iti lepra ya at ideklara neng e malinis ning pari ing anti kanitang taung ating sakit king balat.

Levitico 13:8

Siasatan neng pasibayu ning pari at nung mikalat ya ing baya, ideklara neng e malinis ing tau, uling ing sakit na lepra.

Levitico 14:3

at ituki ne ning pari king lual na ning kampu ban karin ne siasatan.

Levitico 14:35

agad nang ipabalu iti king pari ning mekatuklas.

Levitico 14:56

karing baya o nanumang sugat a tutubu king katawan.

Malakias 2:7

Katungkulan da ring pari ing ituru da ing tune kabiasnan tungkul king Dios. Sukat lang lumapit karela ding tau ban abalu ra ing kaburian ku, uling ila ding tubud na ning Ginung Mayupaya.

Ding Bilang 12:10

Meko ya ing biga king tulid ning Toldang tuknangan na ning Ginu. Kaybat na nita, mika sakit yang lepra i Miriam; meputi ya balat. Mengilabut ya i Aaron inyang ikit neng ating lepra i Miriam.

Ding Bilang 12:12

E mu sa paburen ing maging anti yang mete ing kapatad ta a laso na kapitna nang katawan inyang ibait neng ima.

Mateo 8:4

Nganang Jesus, Tandanan mu, e mu sasabian iti kenu man, nune munta ka ngeni mu rin king pari at ipakit mu ing kekang sarili keya. Kaybat, iyain me ing ain a yuyutus nang Moises bilang katunayan karing tau king kinayap na ka.

Marcos 1:44

Lawan mu, nganang sinabi, e mu pamalita iti kaninu man. Mako na ka at munta ka at pakit king pari. Kaybat miyain kang ain agpang king utus nang Moises ban patunayan karing tau king kinayap na ka.

Lucas 17:14

Ngana karela inyang ikit na lang Jesus, Lumakad kayu at pakit karing pari. Kabang dalan, kinayap la.

Lucas 5:14

At nganang minie bilin Jesus, E mu paniabian iti kaninu man, nune munta ka king pari, palawe ka keya. Kaybat miyain kang ain antimo ing inutus nang Moises ban patunayan karing sabla king ngeni malinis na ka.

Deuteronomio 24:8

Mingat kayu king mapanganib a sakit ning lepra. Pamintuan yung mitmung kaingatan ing ituru da ring Levitang pari, antimo ing inutus ku karela.

Deuteronomio 28:27

Pasakitan na kayu ning Ginu king kapamilatan na ning tigsa, itang tigsa a digpa karing tau Ehipto. Kumatmu ya ing katawan yu karing ulsera, langib, at buni a alang pangakayap.