Levitico 12:8 - Ing Mayap a Balita Biblia

⁸ Nung e ne agyung iyain ing metung a biserung tupa, malyari yang magdalang kaparis a patipati o kaya kaparis a batu-batu; metung para king ain-a-durulukan at ing metung para king ain-a-kapamayaran-king-kasalanan. Gampanan ne ning pari ing seremonia na ning pangapatawaran a makalako king panga-dinatan na ning babaing ibat menganak. Kaybat na nita, maging malinis ne.

Levitico 12:8 Iomraidhean Croise

Levitico 1:14

Nung miyayain yang ayup a dulukan ing ninuman, batu-batu o kaya pitsun ing idala na.

Levitico 12:7

Ing pari ya ing miyain kareting ain na at gampanan ne ing seremonia na ning pangapatawaran a makalako king panga-dinatan na. Kaybat na nita, maging malinis ne. Iti ing tuntunan a sukat nang daptan ning babai kaybat nang menganak.

Levitico 13:1

Nganang migsalita ning Ginu kang Moises at Aaron,

Levitico 14:21

Nung pakakalulu ne man ing tau at e na agyung ibie iti, malyari yang magdalang metung mung biserung lalaking tupa para king pangadeklara nang malinis bilang ain-a-kapaglarinan-king-kasalanan, adua mung litrung arina a singkapan larung olibo bilang ain-a-binutil at kapitnang litrung larung olibo.

Levitico 14:22

Magdala ya namang aduang patipati o kaya aduang batu-batu; ing metung para king ain-a-kapamayaran-king-kasalanan at ing metung para king ain-a-durulukan.

Levitico 15:14

Karas ning kawalung aldo magdala yang aduang patipati o kaya aduang batu-batu king pasbul ning Toldang tuknangan ku, ing Ginu.

Levitico 15:15

Iyain ne ning pari ing metung kareti bilang ain-a-kapamayaran-king-kasalanan at ing metung naman bilang ain-a-durulukan. King anti kaniting seremonia ne linisan ning pari ing lalaking ating tulu.

Levitico 15:29

King kawalung aldo magdala yang aduang pitsun a patipati o kaya aduang batu-batu king pari king pasbul ning Toldang tuknangan ku, ing Ginu.

Levitico 4:26

Kaybat na nita, kuanan na ing sablang taba at idala na king altar ban dulukan bilang ain-ning-pamisulusulu. Iti ing daptan na ning pari king kasalanan na ning pamuntuk ning kapulungan, at mipatawaran ya.

Levitico 5:11

Nung e na la pa mu rin agyung iyain ning ninuman ding aduang pitsun o ding aduang batu-batu, sukat yang magdalang atlu ampon kapitnang litrung mapinung arina bilang ain-a-kapamayaran-king-kasalanan. E na sasamutanan larung olibo o insenso, uling iti metung yang ain-a-kapamayaran-king-kasalanan.

Levitico 5:7

Nung e ne agyung iyain ning ninuman ing metung a tupa o kambing, miyain yang aduang pitsun kanaku, ing Ginu, o kaya aduang batu-batu bilang kapamayaran king depat nang kasalanan. Miyain ya ing metung karing ain-a-kapamayaran-king-kasalanan at ing metung bilang ain-a-durulukan.

Mateo 21:12

Tinaglus ya king Templo i Jesus at penabi na la ngan ding sablang mamisali at maniali karin; penuag na la ding lamesa da ring maglibe salapi at ding luklukan da ring mamisaling patipati.

2 Corinto 8:9

Balu yu nung nu anti karagul ing lugud na kekatamu ning Ginu tamung Jesu-Cristo. Agyamang mabandi ya, meging pakakalulu ya alang-alang kekayu ban mibandi kayu king kapamilatan na ning kakaluluan na.