Levitico 12:6 - Ing Mayap a Balita Biblia

⁶ Potang meganap na ing pangalinis na para king anak nang lalaki o babai, sukat yang magdalang metung a biserung tupa a pabanua tua bilang ain-a-durulukan ampon metung a patipati o kaya metung a batu-batu bilang ain-a-kapamayaran-king-kasalanan. Idala na la deti king pari tulid ning pasbul ning Toldang tuknangan ku, ing Ginu.

Levitico 12:6 Iomraidhean Croise

Genesis 15:9

Pekibat na ning Ginu, Pagdala mu kung metung a baka, metung a babaing kambing a atlung banua, at metung a lalaking tupa a atlu munamang banua, metung a batubatu, at metung a pitsun.

Levitico 12:2

Sabian mu karing memalen na ning Israel ing anti kaniti: Nung muktut ya ing ninumang babai at manganak yang lalaki, ituring yeng e malinis iting babai kilub ding pitung aldo, antimo nung makananu yang e malinis neng makaratang ing regla na.

Levitico 12:5

Nung babai ne man ing beit na, labing apat yang aldo ituring e malinis, antimo nung makananu yang e malinis neng makaratang ing regla na. Palabas ya pa munamang anam apulu't anam a aldo bayu ya ituring malinis.

Levitico 12:7

Ing pari ya ing miyain kareting ain na at gampanan ne ing seremonia na ning pangapatawaran a makalako king panga-dinatan na. Kaybat na nita, maging malinis ne. Iti ing tuntunan a sukat nang daptan ning babai kaybat nang menganak.

Levitico 14:22

Magdala ya namang aduang patipati o kaya aduang batu-batu; ing metung para king ain-a-kapamayaran-king-kasalanan at ing metung para king ain-a-durulukan.

Levitico 15:14

Karas ning kawalung aldo magdala yang aduang patipati o kaya aduang batu-batu king pasbul ning Toldang tuknangan ku, ing Ginu.

Levitico 15:29

King kawalung aldo magdala yang aduang pitsun a patipati o kaya aduang batu-batu king pari king pasbul ning Toldang tuknangan ku, ing Ginu.

Ding Bilang 6:10

King kawalung aldo magdala yang aduang ayup a batu-batu o aduang pitsun king pari karin king pasbul ning Toldang tuknangan ku, ing Ginu.

Lucas 2:22

Miras ing aldo ban tuparan da ri Jose at Maria ing yuyutus na ning Kautusan nang Moises at gampanan ing seremonia king pamaglinis. Inya dela re ing anak king Jerusalem ban iyain de king Ginu.

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.