Levitico 12:2 - Ing Mayap a Balita Biblia

² Sabian mu karing memalen na ning Israel ing anti kaniti: Nung muktut ya ing ninumang babai at manganak yang lalaki, ituring yeng e malinis iting babai kilub ding pitung aldo, antimo nung makananu yang e malinis neng makaratang ing regla na.

Levitico 12:2 Iomraidhean Croise

Genesis 1:28

Bendisyunan na la ning Dios at ngana, Magpakarakal kayu at katmuan ye ing yatu at sakupan ye. Ikayung mamahala karing asan king dagat, karing ayup, at karing heganaganang bage melalang a gagapang king yatu.

Genesis 3:16

Ngana naman king babai, Dagdagan ku ing kasakitan mu king kekang pamanganak; king sakit ibait mu la ding anak mu. Makanyan man pagnasan me pa mu rin ing asawa mu at pailalam ka king upaya na.

2 Samuel 11:4

Mitubud yang tauan na ba reng dakitan i Batseba a kayari-yari na pa kanitang miglinis king katawan na, agpang king aduan ning kautusan tungkul king pamag-regla. Sipingnan neng David at kaybat na nita minuli ne i Batseba.

Job 14:4

Kapilan man alang malinis a malyaring manibatan king nanumang marinat antimo ing tau. Ala metung man.

Job 15:14

Atin waring taung e mikasala? Atin waring taung mibait banal arap ning Dios?

Job 25:4

Atin metung mu man a malyaring maging matulid o malinis king arapan na?

Ding Dalit 51:5

Marawak na ku manibat na inyang mibait ku; kanita pang pengagli da ku makasalanan na ku.

Levitico 12:1

Ngana ning Ginu kang Moises,

Levitico 12:5

Nung babai ne man ing beit na, labing apat yang aldo ituring e malinis, antimo nung makananu yang e malinis neng makaratang ing regla na. Palabas ya pa munamang anam apulu't anam a aldo bayu ya ituring malinis.

Levitico 15:19

Neng makaratang ya regla ing ninumang babai, manatili yang e malinis kilub ding pitung aldo. Ing ninumang makatagkil keting babai manatili ya namang e malinis angga king kabengian.

Levitico 18:19

E ka makipangatawan king ninumang babai kabang atin yang regla, uling e ya malinis king kabilian nang anti kanita.

Levitico 5:3

Nung ing ninuman, king e na sasarian, mekatagkil yang bage marinat a ibat king tau, nanu ya pa man iti, mikasala ya kabud akilala na ing depatan na.

Lucas 2:22

Miras ing aldo ban tuparan da ri Jose at Maria ing yuyutus na ning Kautusan nang Moises at gampanan ing seremonia king pamaglinis. Inya dela re ing anak king Jerusalem ban iyain de king Ginu.