Levitico 11:8 - Ing Mayap a Balita Biblia

⁸ E yu kakanan ing karni da reting mesabing animal o tatagkilan man ding bangke ra, uling animal lang e malinis.

Levitico 11:8 Iomraidhean Croise

Isaias 52:11

Lakuan yu ne ing Babilonia, ikong karing kasangkapan ning Templo magdala. Karing bawal a bage e kayu tatagin; ingatan yung malinis ing sarili yu at lakuan yu ne ing siudad.

Hosea 9:3

E la manatili king bansa ning Ginu ding memalen na ning Israel. Kailangan lang magbalik karin Ehipto, at mangan la king makabawal a pamangan karin king Asiria.

Levitico 11:7

E kayu naman mamangan babi. Bangal ya kuku, oneng e na lalangutan ing kakanan na. E ya malinis ing babi.

Levitico 11:9

Malyari yu lang kanan ding miyayaliwang asan a ating palikpik at kaliskis,

Levitico 5:2

Nung ing ninuman mekatagkil yang nanumang bage a kikilalanan nang marinat ning kautusan a antimo ing bangke ning animal, midinatan ya at mikasala kabud akilala na ing depatan na.

Mateo 15:11

Aliwa ing lulub king asbuk ning tau ing makarinat keya nune itang lulual king asbuk na.

Mateo 15:20

Ila deti ring makarinat king tau. Oneng e makarinat king tau ing mangan a e tinupad king seremonia na ning pamanos gamat a agpang kekayu sukat tuparan.

Marcos 7:15

Aliwa ing lulub king asbuk ning tau ing makarinat keya nune itang lulual king asbuk na. [

Marcos 7:18

Pekibat nang Jesus karela, E yu naman wari aintindian? E yu wari balu king aliwa ing lulub king tau ing makarinat keya?

Marcos 7:2

Ikit da king ding mapilan karing alagad na mamangan lang e menos gamat. Ing buri nang sabian niti e la menos gamat antimo ing pamanos a turu da ring Pariseo. (

Ding Dapat 10:28

Ngana karela, Ikayu mismu balu yu king ing metung a Judio e ne paintulutan ning relihiun na ban dumalo o makisalamuha karing paganu. Oneng pepakit ya kanaku ing Dios king e ke sukat tuturing marinat o midinatan ing ninumang tau.

Ding Dapat 15:29

mangilag kayu king pamangan a miyain karing idolo; e kayu mamangan daya; e kayu mamangan king karni da ring animal a pete rang e peparayan, at dumayu kayu king sablang imoralidad. Pangilagan yu ngan iti at e kayu milisia king matulid. Angga na keni.

Roma 14:21

Ing masanting daptan ya ing e ka mamangan karni, e ka miminum alak o e ka darapat nanumang malyaring makatisud king kapatad mu.

1 Corinto 8:8

E na katamu alapit ning pamangan agyang ditak king Dios; alang mawala kekatamu nung e tamu mangan at ala tamu namang pakinabangnan nung mangan tamu.

2 Corinto 6:17

Inya ing Ginu sinabi na, Dumayu kayu karela, kawani kayu karela. E kayu tatagkil king nanumang marinat, at aku tanggapan da kayu.

Efeso 5:11

E kayu makikiabe karing dapat da ring tau a e mamungang mayap, ding bage a bunga na ning dalumdum. Nune ibulalag yu la king masala. (

Efeso 5:7

Inya e kayu makiabe karela.

Colosas 2:16

Inya e yu ne paniwalan ing ninumang gagawang tuntunan tungkul king kanan o inuman o tungkul karing aldo dapat pangilinan o tungkul king Piesta ning Bayung Bulan o tungkul king Sabbath.

Hebreo 9:10

Deti makatungkul la mu king pamangan, inuman, at miyayaliwang seremonya king pamaglinis. Puru lang tuntunan at mipatupad la reti anggang e na babayu ning Dios ing sabla.