Levitico 11:7 - Ing Mayap a Balita Biblia

⁷ E kayu naman mamangan babi. Bangal ya kuku, oneng e na lalangutan ing kakanan na. E ya malinis ing babi.

Levitico 11:7 Iomraidhean Croise

Isaias 65:4

Pupunta la neng bengi karing kueba at karing kutkutan ban sumangguni karing espiritu da ring mete. Mamangan lang karning babi at miminum sabo ning karning miyabie karing ain-sakripisyung paganu.

Isaias 66:17

Ngana ning Ginu, Malapit na ing kawakasan para karetang magpakadalise king pamanyamba ra ding paganu at makiabe king prusisyun papunta karing sagradung hardin, ding mamangan karning babi at dagis, at aliwa pang pamangan a makasumami.

Isaias 66:3

Ing buri da ring tau yang daraptan da. Paraparehu mu para karela nung makamate la mang baka o tau bilang ain-sakripisyu; biseru ya mang tupa ing sasakripisyu ra o asu yang sekal da batal; trigu ya man ing ain o daya na ning babi; babie la mang insenso o manalangin king metung a idolo. Liligaya la karing makasumaming paralan na ning pamanyamba ra.

Levitico 11:3

antimo ding animal a bangal a kuku at maglangut king kakanan da.

Levitico 11:6

Ing liebre, agyang maglangut ya king kakanan na, e ya naman bangal a kuku, inya e ya malinis.

Levitico 11:8

E yu kakanan ing karni da reting mesabing animal o tatagkilan man ding bangke ra, uling animal lang e malinis.

Mateo 7:6

E yu babie karing asu ing sagradung bage uling dalusungan da kayu at pangetan deti, at e yu la iyatsa ding perlas yu karing babi, uling damusakan da la mu deti.

Lucas 15:15

Inya mekipagobra ya king metung a taung mabandi king bansang ita. Pepapuntan ne niti king baryu ban manese babi.

Lucas 8:33

Inya linual la ding demonyu king tau at linub la karing babi. Dinulung ya ing mabilug a kawan babi king saug papunta king dagat-dagatan, at melumud la karin.

Deuteronomio 14:8

E kayu mamangan babi agyang pang bangal ya kuku oneng e maglangut, uling marinat ya. E yu la kakanan deting mesabing animal o tatagkilan man ding bangke ra.