Levitico 11:42 - Ing Mayap a Balita Biblia

⁴² agyang pang gagapang de reti ing atian da king gabun o lalakad la king kapamilatan da ring apat dang bitis o maygit apat a bitis.

Levitico 11:42 Iomraidhean Croise

Genesis 1:20

Kanita ngana ning Dios, Lunto la karing danuman ding dakal a mabie lelangan at sulapo la ding ayup lalam na ning banua. At ita ing milyari.

Isaias 65:25

Miyabe lang mangan ding asung-gubat at ding tupa; mangan lang are ding leon a antimo ding baka. E na la maging mapanganib ding ubingan. E na mika bage pang makapanasakit o makapanyira karin king Zion, ing banal kung bunduk.

Levitico 11:41

E kayu mamangan karing isanu man karing mangalating animal a gagapang king gabun,

Levitico 11:43

E yu la kakanan o tatagkilan man ing isanu man kareting mebanggit a e malinis a animal ban e kayu mituring e malinis.

Mikeas 7:17

Gumapang la king alikabuk anting ubingan; lumual lang gagalgal at tatakut karing kuta ra. Lumapit lang mitmung takut king Ginung kekatamung Dios.

Mateo 23:23

Makalunus na kayo, ikayung talaturu ning Kautusan at Pariseo! Hipokrita! Babie kayung kapulung parti pati na karing kekayung paniangkap, antimo ing paminta, anis at komino, oneng pabaya na kayu man karing lalung maulagang bage a tuturu na ning Kautusan, antimo ing hustisia, ing lunus at ing katapatan. Ila deti ring sukat yung tuparan kayabe ning pamagasikasu yu tungkul karing aliwang bage.

Mateo 3:7

Oneng panakit na karing dakal a Pariseo at Saduseo a daratang ban pabinyag, ngana karela, Ikong lahing ubingan, ninu ing minutus kekayu ban takasan yu ing daratang a kaparusan?

Juan 8:44

Ing diablo ya ing tata yu at ing buri nang tata yu ya ing buri yung daptan. Makamate ya manibat na king minuna at kalaban ne ning katutuan uling alang katutuan keya. Neng maglaram ya ing diablo, magsalita ya agpang king sarili nang katutubu, uling malaram ya at ya ing tata na ning kalaraman.

2 Corinto 11:13

E la tune apostol, nune maglinlang la mu at magkunwaring apostol nang Cristo.

2 Corinto 11:3

Oneng mikakunu ku; pota malasun ing kekayung pamisip at mirayu kayu king tapat at malinis a pamanalig kang Cristo, antimo nung makananu neng alinlang ning ubingan i Eva.

Tito 1:12

Metung yang tau Creta mismu, ing metung karing sarili dang propeta, ing sinabi: Parati lang maglaram ding tau Creta; kaugali lang animal, matamad la, at matako.