Levitico 11:10 - Ing Mayap a Balita Biblia

¹⁰ oneng e yu la sukat kanan ding nanumang mabibie king danuman a alang kaliskis at palikpik.

Levitico 11:10 Iomraidhean Croise

Genesis 1:20

Kanita ngana ning Dios, Lunto la karing danuman ding dakal a mabie lelangan at sulapo la ding ayup lalam na ning banua. At ita ing milyari.

Ding Kasebian 13:20

Mabiasa ka nung makiabe ka karing biasa, oneng ing pamakiabe karing mangmang mamungang kaguluan.

Ding Kasebian 29:27

Kasaman ne ning taung sakdal ing taung e mayap, at ing taung e mayap kasaman ne ing taung sakdal.

Levitico 11:11

Ituring yu lang e malinis ding asan a anti kareti. E yu la kakanan o tatagkilan man pati na ding bangke ra.

Levitico 11:9

Malyari yu lang kanan ding miyayaliwang asan a ating palikpik at kaliskis,

Levitico 7:18

Nung ating mapangan kaniting tagan king katlung aldo, e ku na tanggapan ing ain a iti; ala nang ulaga. Maging makasumami ya at mika pakibatan ya pa ing ninumang mangan kaniti.

Deuteronomio 14:10

Oneng e yu la malyaring kanan detang alang palikpik at kaliskis uling marinat la.

Deuteronomio 14:3

E kayu mamangan nanumang bage marinat.

Kapahayagan 21:8

Oneng makatakut ing miras karing duag, karing taksil, karing magpasasa king e mayap, karing makamate tau, karing makipangalugud, karing mangkukulam, karing sasambang idolo, at karing sablang malaram. Miyugse la king dagat-dagatan na ning api at asupri; ing kaduang kamatayan.