Levitico 10:9 - Ing Mayap a Balita Biblia

⁹ Ika ampon ding anak mu, e kayu miminum alak o nanumang bage makalasing bayu kayu lungub king Toldang tuknangan ku, pota mate kayu. Iti tuntunan yang sukat ipatupad karing lahi yu king kapilan pa man.

Levitico 10:9 Iomraidhean Croise

Exodo 27:21

I Aaron at ding anak nang lalaki ilang mibili king sulu kilub na ning kanakung Tolda nung nu ku atyu ketang lual na ning tabing a atyu king arapan na ning Kaban ning Kasunduan. Sukat lang milalablab ding sulu neng bengi angga itang kabukasan karin king arapan ku. Iti kautusan yang sukat dang tuparan king kapilan pa man ding Israelita ampon ding lahi ra.

Ding Kasebian 20:1

Gawan na kang palalu ning alak at ing kalasingan idala na ka king kaguluan. Mangmang ya ing taung maglasing.

Isaias 28:7

Paid-paid la pati na ding propeta at pari king pamaglakad da uli na ning kalasingan da. Mangatisud la at mangasakab uli na ning milalung pamaninum dang alak at aliwa pang matapang a inuman. King milalu dang pangalasing ding propeta, e ra na la akuang aintindian detang vision a parala na ning Dios. Antimu rin, tutu la namang malasing ding pari, inya e ra na la akuang alulutas ding kasung lalapit da ring tau karela.

Ezekiel 44:21

E la sukat miminum alak bayu la lungub king patyung atyu king kilub.

Hosea 4:11

Nganang sasabi ning Ginu, Ing alak, luma ya man o bayu, ya ing pasari king ala dang matulid a pamisip ding tau.

Levitico 10:8

Nganang migsalita ning Ginu kang Aaron,

Levitico 3:17

Alang Israelita a malyaring mangan taba o daya; iti metung yang tuntunan a sukat matupad king kapilan pa man at nukarin la man manuknangan.

Ding Bilang 6:20

Kaybat na nita, iyain na la reti ning pari kanaku, ing Ginu, bilang makapasubaling ain. Sagradu lang dake deti a mangaintulid king pari; subali pa ing pitsu at ing puad. Kaybat na nita, malyari neng minum alak ing Nazareo.

Ding Bilang 6:3

e ya sukat miminum alak o king nanumang inuman a makalasing. E ya naman malyaring minum king nanumang inuman a ibat king katas ning ubas o mangan ubas o pasas.

Lucas 1:15

uling maging marangal ya king panimanman na ning Ginu! E ya minum alak o nanumang inuman a makalasing. At mikatmuan ya king Banal a Espiritu manibat king pangabait na.

Efeso 5:18

E kayu maglasing uling makasira mu iti kekayu, nune pakikuanan yung mikatmuan kayu king Banal a Espiritu.

1 Timoteo 3:3

E ya mahilig king alak at e ya mabagsik nune maganaka ya, malugud ya king kapayapan, at e malugud king salapi.

1 Timoteo 3:8

Kailangan munaman king ding talasuyu king iglesia ing marangal la, tapat magsalita, e mapaninum alak at e sakim.

1 Timoteo 5:23

E mu bukud danum ing kekang inuman. Anti na ning maralas kang sasakit, minum ka namang ditak a alak ban malaso ka pengan.

Tito 1:7

Uling ing makatuang talapangasiwa ya ing manibala king iglesia bilang pekakatawan na ning Dios. Kailangan ing ala yang kapintasan; kailangan munaman ing e ya manabusu o agad mikakapali buntuk; e ya lasenggu o tampalasan o kaya sakim king pibandian.