Levitico 10:7 - Ing Mayap a Balita Biblia

⁷ E kayu mamako king tulid na ning pasbul ning Tolda pota mate kayu, uling mitalaga na kayu king kapamilatan na ning larung paglania na ning Ginu. Inya e la meko karin, antimo ing inutus nang Moises karela.

Levitico 10:7 Iomraidhean Croise

Exodo 28:41

Ipasulud mu la deting imalan kang Aaron a kapatad mu at karing anak nang lalaki. Kaybat, ordinan mu la at italaga king kapamilatan na ning pamitugtug mung larung olibo karela ban kanita makasuyu la kanaku bilang pari.

Exodo 29:7

Kaybat, kuanan mu ing larung paglania at itugtug mu iti king buntuk na at lanian me.

Exodo 30:30

Kaybat lanian mia naman kaniti i Aaron at ding anak nang lalaki, at italaga mu la bilang pari a sumuyu kanaku.

Levitico 10:8

Nganang migsalita ning Ginu kang Aaron,

Levitico 21:12

Sukat yang manatili king tuknangan na ning Dios. Kabud meko ya karin ban lawen ing mete, lepastangan na ne ing tuknangan na ning Dios, uling tagle na ing larung paglania.

Levitico 8:12

Inordinan ne i Aaron king kapamilatan na ning pamitugtug ditak a larung paglania king buntuk na.

Levitico 8:30

Kinangwa yang ditak king larung paglania i Moises ampon ditak ketang daya a atyu king altar, at pisikan ne kaniti i Aaron ampon ding anak nang lalaki. Pisikan na naman itang susulud dang imalan. King makanyan a paralan na la telaga at pati na ing susulud dang imalan.

Lucas 9:60

Nganang Jesus, Paburen mung ding mete ing ikutkut da la ring karelang sariling mete. Oneng ika tuki ka at ipanaral me ing Kayarian ning Dios.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

2 Corinto 1:21

Uling ing Dios mismu ya ing patibe kekami at kekayu king pangayabe kang Cristo, at ya munaman ing memili kekami.