Levitico 10:2 - Ing Mayap a Balita Biblia

² Kabud-abud peparatang yang api ing Ginu, at mesilab la ding mikapatad; mete la king arapan na ning Ginu.

Levitico 10:2 Iomraidhean Croise

2 Samuel 6:7

Mimua ya ing Ginu kang Uzza uling telan ne ing Kaban. Inya pete ne i Uzza uli na ning keyalan nang galang king Kaban ning Dios at mipase ya lele ning Kaban ning Dios.

1 Ari 13:28

Meko ya at miras ketang lugal nung nu ya makapase ing bangke na ning propeta. Atyu ya pa mu rin ing asno na at itang leon siping ning bangke. E ne pengan ning leon at e ne ninanan balang ing asno.

1 Ari 18:38

Kanita ya pepatipang api ing Ginu, at silaban na ning api ing ain, ing dutung a panangab, ding batu, ing gabun, at pepalangi na ing danum king paligi.

2 Ari 1:10

Nganang mekibat Elias, Nung talasuyu na ku pin ning Dios, muran sanang api at masilab ka pati na ring limang pulung sundalus mu. Kanita mu rin minuran api at mesilab ya at mete ing opisyal at ding sundalus na.

2 Ari 1:12

Nganang mekibat Elias, Nung talasuyu na ku pin ning Dios, muran sanang api at masilab ka at ding limang pulung sundalus mu. At pepauran yang api ing Dios at mesilab ya at mete ing opisyal at ding sundalus na.

1 Cronica 13:10

Kanita mu rin mimua ya kang Uzza ing Ginu at pete ne karin uling telan ne ing Kaban.

1 Cronica 15:13

Uling e kayu kayabe kanitang dela mi ya ing Kaban ning Kasunduan, mimua ya ing Ginung kekatamung Dios, uling simban mi ya ing Dios king paralan a e karapatdapat.

1 Cronica 24:2

Mete la di Nadab at Abihu bayu ya mete i tata ra, at ala lang anak. Inya i Eleazar at i Itamar ilang sinuyu bilang pari.

Job 1:16

Kabang magsalita ya pa, dinatang ne naman ing metung pang ipus at ngana, Mituran la pu king kildap ding tupa yu pati na ding pastul yu at mete la ngan. Bukud mung aku pu ing miligtas ban mamalita kekayu.

Ding Dalit 50:3

Daratang ya ing kekatamung Dios, oneng e king katahimikan; makauna ya ing aping milalablab, at ing masikan a bagyu ya ing makapadurut king Dios.

Exodo 24:1

Ngana ning Ginu kang Moises, Panikan mu ku king bunduk; ituki mu la ri Aaron, Nadab, Abihu, at ding pitung pulung manimuna na ning Israel. Kabang makarayu kayu pang bagya, duku kayu at samba.

Isaias 30:33

Maluat neng makasadia ing metung a lugal nung nu ya silaban ing ari na ning Asiria libutad ning maragul a api. Malalam ya at malualas at makatambak ing dakal a dutung; labulan na ning Ginu king pangisnawa nang mikakalukung api at mitau ing dutung.

Levitico 10:5

Linapit la at telan da la baru ding bangke; binwat da la at linual king kampu, antimo ing inutus nang Moises karela.

Levitico 16:1

Migsalita ya ing Ginu kang Moises kaybat na ning pangamate da ring adua nang anak a lalaking Aaron uli na ning pamaglapit da king Ginu king paralan a e karapatdapat.

Levitico 9:24

Kabud-abud peparatang yang api ing Ginu, at silaban na ngan niting api ing ain-a-durulukan ampon ding miyayaliwang dake a maki taba a atyu king altar. Inyang ikit da iti mengapakulisak la at migsakab ding tau.

Ding Bilang 14:37

Inya mete la king salut a peparala na ning Ginu.

Ding Bilang 16:35

Kaybat, pepauran ne mang api ing Ginu karing aduang dalan limang pulung lalaki at mesilab la ngan kabang duruluk lang insenso.

Ding Bilang 16:49

Labi lang apat a libu at pitung dalan ding mete king salut, subali pa karetang mete kayabe nang Kora.

Ding Bilang 26:61

Pero mete la ri Nadab at Abihu kanitang minain lang api a e karapatdapat king Ginu.

Ding Dapat 5:10

Kasabi na niti, miragsa ya i Safira at mete ya king durungutan nang Pedro. Linub la ding kayanakan at disnan deng mete na i Safira. Liwal de ban ikutkut siping na ning asawa na.

Ding Dapat 5:5

Kabud dimdam nang Ananias iti, miragsa ya at mete. Ding sablang mekabalita kaniti tiblan na la ning maragul a takut.

1 Corinto 10:11

Mepalyari la deting sablang bage ban maging lisyun la para karing aliwa, at misulat la bilang babala para kekatamu. Uling mabibie tamu king panaun a malapit nang miwakasan.

1 Samuel 6:19

At pete no ning Ginu ding pitung pulung katau karing memalen na ning Bet Semes uling sinilip de ing Kaban ning Ginu. Menangis la ding tau panakit da king mete la ding kabalen da.