Levitico 10:19 - Ing Mayap a Balita Biblia

¹⁹ At mekibat ya i Aaron kang Moises, Agyang king aldong iti ding memalen inain da ing karelang ain-a-kapamayaran-king-kasalanan at ing ain-a-durulukan king arapan na ning Ginu, makanyan man deti ila pang mepalyari kanaku. O nu mong mengan ku king karni na ning ain-a-kapamayaran-king-kasalanan a miyain king aldong iti, ita kaya maging katanggap-tanggap king Ginu?

Levitico 10:19 Iomraidhean Croise

Isaias 1:11

Sasabian na keka, Isipan mu galang ing tutula ku karing ain-sakripisyu a alang patugut mung yayain kanako? Sinawa na ku karing tupang kekang durulukan bilang ain, antimu rin ing taba da ring pepataba mung animal. E ku tutula king daya da ring toro, tupa, at kambing.

Isaias 1:15

E ra ka pansinan potang itas mu la ding gamat mu king pamanalangin. E ra ka pakiramdaman agyang numanu kang manalangin makaba uling marinat la ding gamat mu uli na ning kekang kasalanan.

Jeremias 14:12

E ku pakiramdaman ing pamaniawad dang kasaupan agyang mag-ayunu la pa; e ku mu rin tumula karela agyang dinan da ku pang durulukan a sakripisyu at ain-a-binutil. Bagkus, paten ku la king gera, king danup, at king sakit.

Jeremias 6:20

Nanu tang ulaga na ning insenso a darala ra kanaku ibat Seba o ning miyayaliwang pabanglu a ibat king marayung bansa? E ku la tanggapan ding ain da o tumula karing ain-sakripisyu da.

Hosea 9:4

Karing aliwang bansang deta e la malyaring makaibie alak a ain o makapagdalang ain para king Ginu. Mirinatan la ding sablang mangan king pamangan da a antimo ing pamangan neng ating mete. Magamit mu para uluan ing danup da; ala lang adala kaniti antimong ain king Templo ning Ginu.

Levitico 10:20

Mipanatag ya lub i Moises inyang dimdam na iting sinabi nang Aaron.

Levitico 9:12

Pete nia namang Aaron ing animal para king sarili nang ain-a-durulukan. Diwang de kang Aaron ding anak nang lalaki ing daya, at kaybat tigtug na king paligid na ning altar.

Levitico 9:8

Linapit ya i Aaron king altar at saka ne pete ing biserung toro bilang ain-a-kapamayaran-king-kasalanan para king sarili nang kasalanan.

Malakias 1:10

Sasabian na ning Ginung Mayupaya, Sana isara na la ning metung kekayu ding pasbul ning Templo ban e kayu makapataung alang kwentang api king kanakung altar. E ku tutula kekayu; e ku la tanggapan ding ain a darala yu kanaku.

Malakias 1:13

Ngayung sasabi, Sinawa ta nang darapat kaniti! at lalawan yu ku pang marok a mata. Animal lang penako yu ding kekayung yayain kanaku o kaya animal lang pile o ating sakit. Isipan yu galang ing tanggapan ke kekayu ing makanyan a animal?

Malakias 2:13

Oyni pa ing aliwa yung pamaniaptan. Kakatmuan ye ing altar ning Ginu karing kekayung lua, kiak, at tangis uling e na na la tatanggapan ding ain a darala yu.

Deuteronomio 12:7

Ketang lugal mu ring ita karin kayu miyabe-abe mangan arapan ning Ginung kekayung Dios bilang kapurian at kapasalamatan king bendisyun a binie na kekayu at karing pamilya yu.

Deuteronomio 26:14

Ala kung pengan king kapulung dake inyang oras ning pamagpaldas. E ke inuli bale ing kapulung dake inyang e ku malinis o dinake para karing mete. Dimdam ku, O Ginung Dios, ing siwala mu at memintu ku.

Filipos 4:4

Tumula kayu sanang parati king pamibiebie yung makayabe king Ginu. At iyulit kung sabian, tumula kayu!

Hebreo 7:27

E re kalupa ding aliwang pekapun ding pari; e na kailangan Jesus ing miyain yang ain-sakripisyu king balang aldo para king sarili nang kasalanan at kaybat para karing kasalanan da ring tau. Miyain yang metung mung ain-sakripisyu, misan mu at para king kapilan pa man, kanitang binie na ing sarili na.

Hebreo 9:8

King sablang ayus a iti, ing Banal a Espiritu tuturu na king ing dalan papunta king Kabanal-banalan a Lugal e ya pa makabuklat kabang atyu ya pa karin ing mumunang dake.