Levitico 10:16 - Ing Mayap a Balita Biblia

¹⁶ Kaybat na nita, kitang neng Moises ing kambing a sukat iyain bilang ain-a-kapamayaran-king-kasalanan, at abalu na king iti dilukan da ne pala. Inya mimua ya kari Eleazar at Itamar. Sebianan na la. Ngana,

Levitico 10:16 Iomraidhean Croise

Ezra 7:5

I Buki naman anak neng Abisua a anak nang Fineas. I Fineas anak neng Eleazar a anak nang Aaron, ing pekapun da ring pari.

Levitico 6:17

Gawan dang tinape alang lebadura at kanan da iti king metung a lugal a banal; kilub na ning patyu ning Tolda. Binie ku na, ing Ginu, iti karing pari bilang dake ra karing ain-a-pamangan. Iti tune banal; kalupa re ding ain-a-kapamayaran-king-kasalanan at ding ain-a-kapaglarinan-king-kasalanan.

Levitico 6:26

Kanan ne ning pari a miyayain kaniti ketang lugal a banal, ing patyu na ning Toldang tuknangan ku.

Levitico 6:30

Nung atin lang linub king Tolda king daya na niting animal at megamit iti king seremonia na ning pamaglako king kasalanan, e ya sukat kakanan ing animal; dulukan ya.

Levitico 9:15

Kaybat na nita, inain na ing ain da ring memalen. Kinua ne itang kambing para king ain-a-kapamayaran-karing-kasalanan da. Pete ne at saka ne inain kalupa ning minunang ain-a-kapamayaran-king-kasalanan.

Levitico 9:3

Sabian mu munaman karing memalen na ning Israel ing magdala lang lalaking kambing a iyain da bilang ain-a-kapamayaran-king-kasalanan. Magdala la namang baka a pabanua tua at tupa a pabanua munaman a tua. Kailangan king deti ala lang dipektu para king ain-a-durulukan.

Ding Bilang 12:3

Tau yang tutung mapagpakumbaba i Moises; mababa yang dili lub karing tau keti king yatu.

Mateo 5:22

Oneng ngeni sasabian ku kekayu: ninuman ing mimua king kapatad na mika pakibatan ya king arapan ning husgadu; ing ninuman maninsultu king kapatad na mika pakibatan ya king arapan ning Sanhedrin, at ninuman ing sumabi king kapatad na, Ala kang isip! miyugse ya king api ning impierno.

Marcos 10:14

Inyang apansin nang Jesus iti, mimua ya at sinabi na karela, Paburen yu lang lumapit kanaku ding anak; e yu la babawalan, uling para karing anti kareti ya ing Kayarian ning Dios.

Marcos 3:5

Miyalung mua at lungkut ing meyakit king lupa nang Jesus kabang maglalawe ya karing taung makapadurut uli na ning kesiasan dang lub. Inarapan ne ing lalaking panat metung a gamat at ngana, Iyatiat me ing kekang gamat. Inatiat na ne man ning lalaki ing gamat na at iti kinayap ya.

Efeso 4:26

Nung sakaling mimua kayu, pangilagan yu ing e kayu mikasala at e yu paintulutan manatiling patingapun ing mua yu.