Levitico 10:13 - Ing Mayap a Balita Biblia

¹³ Kanan yu iti king lugal a banal; iti ya ing dake mangaintulid kekayu at karing anak yung lalaki ketang pamangan a miyain king Ginu. Iti ya ing utus a tinggap ku king Ginu.

Levitico 10:13 Iomraidhean Croise

Ezekiel 42:13

Ngana kanaku niting lalaki, Parehu lang sagradu deting gusali. Keti da la kakanan ding pari a lulub king arap ning Ginu ding sagradung dake ra king ain. Keti da la naman darala ding pari ding sagradung ain antimo ding ain-a-kapamayaran-king-kasalanan o ain-a-kapaglarinan-king-kasalanan.

Levitico 10:12

Ngana namang migsalitang Moises kang Aaron at karing adua nang anak a mitagan, i Eleazar at i Itamar, Kuanan yu itang arinang mitagan king ain-a-pamangan a miyain king Ginu. Gawan yu iting tinape alang lebadura at kanan yu king lele na ning altar uling iti binang banal.

Levitico 10:14

Ikayu ampon ding pamilya yu malyari kayung mangan king salu at king bitis a tauli a miyain bilang makapasubaling regalu king Ginu at bilang makapasubaling regalu munaman para karing pari. Kanan yu iti ketang lugal a malinis. Ila deti ring dake miyabie kekayu at karing anak yu karing ain-ning-pamisulusulu a inain da ring memalen na ning Israel.

Levitico 2:3

Mangaintulid karing pari ing mitagan king ain-a-binutil. Iti sagradu uling dake na ning ain a miyain kanaku, ing Ginu.

Levitico 6:16

Mangaintulid karing pari ing mitagan king ain.

Ding Bilang 18:10

Kilalanan mu iti bilang sagradu at sukat mung kanan king banal a lugal, at ding makapangan mu kaniti ila ring lalaki.

Ding Bilang 5:10

Tanggapan na ning pari ing nanumang bage sagradung iyain da at iti maging bandi na.