Levitico 10:12 - Ing Mayap a Balita Biblia

¹² Ngana namang migsalitang Moises kang Aaron at karing adua nang anak a mitagan, i Eleazar at i Itamar, Kuanan yu itang arinang mitagan king ain-a-pamangan a miyain king Ginu. Gawan yu iting tinape alang lebadura at kanan yu king lele na ning altar uling iti binang banal.

Levitico 10:12 Iomraidhean Croise

2 Cronica 31:14

I Kore a Levitang anak nang Imna at bante king Pasbul dalan dane Aslagan ning Templo, ya ing mamahala karing kusang lub a ain at ya naman ing magrasyun kareti.

Ezra 7:5

I Buki naman anak neng Abisua a anak nang Fineas. I Fineas anak neng Eleazar a anak nang Aaron, ing pekapun da ring pari.

Exodo 29:2

Gamitan mu ing pekamasanting a arinang trigu, pero alang lebadura at gawa kang tinape singkapan larung olibo. Gawa ka namang e singkapan larung olibo at mapilan pang tinape maimpis a kiskasanan laru.

Exodo 29:33

Sukat dang kanan itang megamit king seremonia ning pangapatawaran kasalanan inyang miyordinan la. Bukud mung ding pari ilang mangan kaniti uling iti sagradu.

Exodo 6:23

Mekiasawa ya i Aaron kang Eliseba a kapatad nang Nason at anak nang Aminadab. Ayanak da la ri Nadab, Abihu, Eleazar, at i Itamar.

Ezekiel 44:29

Ila ding mangan karing ain-a-binutil, karing ain-a-kapamayaran-king-kasalanan, at karing ain-a-kapaglarinan-king-kasalanan. Maging bandi ra ing sablang bage king Israel a mitalaga para kanaku, ing Ginu.

Levitico 10:13

Kanan yu iti king lugal a banal; iti ya ing dake mangaintulid kekayu at karing anak yung lalaki ketang pamangan a miyain king Ginu. Iti ya ing utus a tinggap ku king Ginu.

Levitico 21:22

Malyari yang mangan king kakanan a miyain kanaku, maging king sagradu o mas sagradung ain-a-pamangan.

Levitico 24:9

Mangaintulid la deting tinape, kaybat dang miyain, kang Aaron at karing anak na. Kanan da la reti king lugal a sagradu uling iti metung yang sagradung dake ning ain a mitalaga kanaku, ing Ginu, para karing pari. Tuntunan ya iti a sukat ipatupad king sablang panaun.

Levitico 7:9

Ing balang ain-a-binutil a melutu king ornu o melutu king kawali o kaya king sala-salang bakal mangaintulid munaman king pari a miyayain kaniti king Dios.

Ding Bilang 3:2

Apat la ring anak nang lalaking Aaron: i Nadab, ing pangane, i Abihu, i Eleazar, at i Itamar.