Levitico 1:4 - Ing Mayap a Balita Biblia

⁴ Itumpak ne ing gamat na king buntuk na ning animal, at matanggap ya iti bilang panatbus king kasalanan na.

Levitico 1:4 Iomraidhean Croise

Exodo 28:38

Isulud neng Aaron iti king kanuan na ban aku, ing Ginu, kaku la ngan tanggapan ding ain a yayain da kanaku ding Israelita, agyang pang makarapat lang kamalian ding tau king pamiyain da kareti.

Exodo 29:10

Idala me ing toro arap ning Toldang tuknangan ku at sabian mu kang Aaron at karing anak na ing itumpak da la ring gamat da king buntuk ning toro.

Exodo 29:15

Kuanan me ing metung karing aduang lalaking tupa at sabian mu kang Aaron at karing anak na ing itumpak da la ring gamat da king buntuk na ning tupa.

Exodo 29:19

Kuanan me ing metung pang lalaking tupa, itang megamit king pamitalaga. Kaybat, ipatung na la ding gamat nang Aaron at ding anak na king buntuk ning tupa.

Exodo 29:33

Sukat dang kanan itang megamit king seremonia ning pangapatawaran kasalanan inyang miyordinan la. Bukud mung ding pari ilang mangan kaniti uling iti sagradu.

Isaias 56:7

Idala da kayu king Zion, king banal kung bunduk; dinan da kayung tula king kanakung bale pipanalanginan at tanggapan ku la ding ain-sakripisyung babie yu king kanakung altar. Mayaus yang bale pipanalanginan ing Templo ku para karing sablang tau.

Ezekiel 45:15

Metung a tupa ing iyain karing balang aduang dalan a tupang papastulan karing marangle ning Israel. Gamitan la deting tupa bilang ain-a-pamangan, ain-a-durulukan, at ain-ning-pamisulusulu ban mipatawaran ing kasalanan yu. Aku, ing Ginung Dios, ing mumutus kaniti.

Daniel 9:24

Pitung besis a tiapitung pulung banua ya ing kaba ning panaun a tikda ning Dios para mayatbus la king kasalanan at king e mayap ding kekang kabalen at ing banal a siudad. Mipatawaran ing kasalanan at mag-ari ing alang anggang hustisia ban ing vision at ing ula mipaltutu, at mitalaga yang pasibayu king Dios ing banal a Templo.

Levitico 16:21

Itumpak na la ding adua nang gamat king buntuk na ning kambing at sabian na tulid na ning kambing ing sablang dapat dang e ustu at kasalanan ding memalen na ning Israel. King makanyan a paralan milipat king buntuk na ning kambing ing sablang iti. Kaybat na nita, itabi ne ning metung a lalaking mitulduan ganap kaniti ing kambing papunta king disyerto.

Levitico 16:24

Mandilu ya king metung a lugal a sagradu at isulud na ing sarili nang imalan. Kaybat na nita, lumual ya at iyain ne ing ain-a-durulukan para king sarili nang kasalanan at para karing memalen.

Levitico 22:21

Potang ing ninuman miyayampang yang ain-ning-pamisulusulu kanaku, ing Ginu, bilang pamanupad king panata na o kaya kusa yang lub a pamanain, sukat yang alang dipektu ing animal a yayain na ban maging katanggap-tanggap ya.

Levitico 22:27

Potang mibait ya ing metung a biserung baka o tupa o kambing, e ya sukat kakawani king gaindu kilub ding pitung aldo, oneng kalabas da ring pitung aldo malyari neng maging ain-a-durulukan para kanaku, ing Ginu.

Levitico 3:13

itumpak ne ning miyayain ing gamat na king buntuk na ning kambing, at kaybat paten ne ing kambing king arap ning Tolda. Isabug da ring pari ing daya ning kambing king paligid na ning altar,

Levitico 3:2

Itumpak ne ning miyayain ing gamat na king buntuk na ning animal at saka ne paten king tulid nang pasbul ning Toldang tuknangan ku, ing Ginu. Ding pari a anak nang Aaron ilang misabug king daya king paligid na ning altar.

Levitico 3:8

Kaybat na nita, itumpak ne ing gamat na king buntuk ning tupa at paten ne karin king arap ning Tolda. Isabug da ring pari ing daya ning tupa king paligid na ning altar,

Levitico 4:15

Itumpak da la ring gamat da ring manimuna na ning balen king buntuk ning toro, at kaybat paten de karin mu rin.

Levitico 4:20

antimo ing depatan na king taba ning torong miyain para king pangapatawaran ning kasalanan. Daptan na ning pari iti ban mipatawaran la kasalanan ding tau, at mipatawaran no man.

Levitico 4:24

Itumpak ne ing gamat na king buntuk ning kambing, at saka ne paten karin king dane nang norti ning altar nung nu ra la papaten ding animal a miyayain bilang ain-a-durulukan. Iti ya ing ain a makalako king kasalanan na.

Levitico 4:26

Kaybat na nita, kuanan na ing sablang taba at idala na king altar ban dulukan bilang ain-ning-pamisulusulu. Iti ing daptan na ning pari king kasalanan na ning pamuntuk ning kapulungan, at mipatawaran ya.

Levitico 4:29

Itumpak ne ing gamat na king buntuk ning kambing, at saka ne paten karin king dane nang norti ning altar nung nu ra la papaten ding animal a miyayain bilang ain-a-durulukan.

Levitico 4:31

Kaybat na nita, kuanan na ing sablang taba, antimo nung makananung lalako ing taba ning animal a pete para king ain-ning-pamisulusulu. Idala na iti king altar at karin na dulukan. Babie tula kanaku, ing Ginu, ing bau na niti. Iti ya ing daptan na ning pari ban mipatawaran ya kasalanan ing taung karaniwan, at mipatawaran ya.

Levitico 4:33

Itumpak ne ing gamat na king buntuk ning tupa, at saka ne paten karin king dane nang norti ning altar nung nu ra la papaten ding animal para karing ain-a-durulukan.

Levitico 4:35

Kuanan na ning pari ing sablang taba, antimo nung makananu rang kakuanan ing taba ning tupang pete ra para karing ain-ning-pamisulusulu. Idala na iti king altar at dulukan na karin pati na ing pamangan a miyain kanaku, ing Ginu. King anti kaniting paralan ne iyain ning pari ing ain-a-kapamayaran-king-kasalanan ning mikasala, at mipatawaran ya.

Levitico 4:4

Idala ne ing toro king tulid nang pasbul ning Tolda; itumpak ne ing gamat na king buntuk na ning toro at paten ne karin king arapan ku, ing Ginu.

Levitico 5:6

Ban mipatawaran ya, sukat yang miyain kanaku, ing Ginu, metung a babaing tupa o kaya babaing kambing. Iyain ne iti ning pari para king pangapatawaran na ning mikasala.

Levitico 6:7

Iyain ne iti ning pari para king pangapatawaran ning kasalanan na ning mikasala, at mipatawaran ya.

Levitico 8:14

Kaybat na nita, pepakua neng Moises ing biserung toro para king ain-a-kapamayaran-king-kasalanan. Timpak neng Aaron at ding anak nang lalaki ding gamat da king buntuk na ning animal.

Levitico 8:18

Kaybat na nita, kinua neng Moises ing lalaking tupa para king ain-a-durulukan. Timpak na la ring gamat nang Aaron at ding anak nang lalaki king buntuk na ning lalaking tupa.

Levitico 8:22

Kaybat na nita, kinua neng Moises ing kaduang lalaking tupa a makatalaga para king ordinasyun da ring pari. Timpak na la ring gamat nang Aaron at ding anak nang lalaki king buntuk na ning tupa.

Levitico 9:7

Kaybat na nita, nganang sinabing Moises kang Aaron, Munta na ka king altar at iyuna meng iyain ing kekang ain-a-kapamayaran-king-kasalanan, at ing ain-a-durulukan ban mipatawaran ing kasalanan mu ampon ing kasalanan da ring tau. Daptan mu iti ban mipatawaran ing kasalanan ding tau. Iti utus na ning Ginu.

Ding Bilang 15:25

Ing pari ya ing ganap king seremonia ning pangapatawaran ning kasalanan para king mabilug a balen, at mipatawaran la uling e ra sasarian at uling miyain lang ain-a-kapamayaran-king-kasalanan bilang ain-a-pamangan king Ginu.

Ding Bilang 15:28

Ing pari ya ing miyain king ain para king mikasala king e na sasarian, at mipatawaran ya.

Ding Bilang 25:13

Manatili ya kang Fineas at karing lahi na ing panga-pari uling e na peintulut ing mika karibal ku at ginawa yang paralan ban mipatawaran ing kasalanan da ring memalen na ning Israel.

Ding Bilang 8:10

Itumpak da la kanita ring gamat da ring memalen na ning Israel king buntuk da ring Levita potang yarap mu la kanaku, ing Ginu,

Ding Bilang 8:12

Itumpak da la kanita ding gamat da ring Levita karing buntuk da ring aduang biserung toro; miyain ya itang metung bilang ain-a-kapamayaran-king-kasalanan at ing kadua bilang ain-a-durulukan ban milapit la kanaku.

Roma 12:1

Inya, kapatad ku, king uli na ning maragul nang lunus ning Dios kekatamu, ipakisabi kung mayap kekayu: samban ye king kapamilatan na ning pamiyain yu karing kekayung katawan bilang mabie at banal a ain, tune babie tula king Dios. Iti ya ing tune kapanyamban a kailangan yung iyain keya.

Roma 3:25

Telaga ne ning Dios bilang ain a kapamayaran ban king pamipatulu na king daya na mipatawaran la kasalanan ding tau king kapamilatan na ning pamanialpantaya ra keya. Depat na ning Dios iti ban ipakilala na ing kabanalan na. Kanitang minuna pibabata na la at e na la pinsinan ding kasalanan da ring tau;

Roma 5:11

Aliwa mu yan; magsaya tamu king Dios king kapamilatan na ning Ginu tamung Jesu-Cristo uling king kapamilatan na meging kakaluguran na katamu ning Dios.

Filipos 4:18

Uli na niti, ing sulat a iti ya ing peka resibo na ning sablang peparala yu kanaku at ing binie yu maygit pa king kailangan ku! Atyu na kanaku ing sablang kailangan ku ngening i Epafrodito detang na kanaku ing sabla yung binie. Deti mengari lang mabanglung ain king Dios; mengari lang sakripisyung tatanggapan na at ikakatula ning Dios.

Hebreo 10:4

uling ing daya da ring toro at ding kambing e ra alako kapilan man ing kasalanan.

1 Juan 2:2

Uling i Jesu-Cristo mismu ya ing menatbus karing kasalanan tamu at aliwa mu karing kasalanan tamu, nune pati na karing kasalanan da ring sablang tau.