Levitico 1:3 - Ing Mayap a Balita Biblia

³ Malyari yang kumang metung karing baka na a alang dipektu neng miyayain yang ain-a-durulukan ing ninuman kekayu. Idala ne iti king tulid na ning pasbul ning Toldang tuknangan ku ban maging karapatdapat ya kanaku.

Levitico 1:3 Iomraidhean Croise

Genesis 22:13

Tinalanga ya i Abraham at miglalawe. Ikit ne ing metung a tupang lalaki a mikulaput a sagu king masuksuk. Pintalan ne at dekap ban iyain bilang kalibe na ning anak na.

Genesis 22:2

Kanita sinabi na ning Dios, Abraham, ituki me i Isaac, ing anak mung kabubugtungan a pakamalan mu, at munta kayu king sakup ning Moria. Iyain me kanaku bilang ain-a-durulukan karin king bunduk a ituru ku keka.

Genesis 22:8

Anak ku, ing Dios ya ing balang munie king tupang paten ta! nganang mekibat Abraham. At sindu da ring mitata ing pamaglakad da.

Genesis 8:20

Kaybat na nita, mitalakad yang altar i Noe para king Ginu. Kinangwa yang tunggal-tunggal karing animal ampon ayup a malinis, at kaybat inain na la at dilukan babo na ning altar.

2 Cronica 29:32

Mekayain lang pitung pulung toro, dinalan a lalaking tupa, at aduang dalan a biserung tupa bilang ain-a-durulukan para king Ginu.

2 Cronica 35:12

Kaybat, pirake da la karing memalen, agpang karing karelang pamilya, ding ain-a-durulukan ban iyain da agpang king makasulat king libru nang Moises.

Ding Dalit 110:3

King aldo a arapan mu lang kekang kalaban, ding memalen magkusa lang ika ing karelang saupan; ibat king sagradung bunduk ding kayanakan datang lang anting ambun ning abak ban keka makiabe.

Ding Dalit 40:8

Matula kung tuparan, O Dios ko, ing kekang kaburian! King kakung pusu Kautusan mu ilang makasimpan.

Exodo 12:5

Malyari kayung mamiling metung a tupa o kaya metung a kambing, oneng kailangan king lalaki ya at pabanua tua, at ala yang kapansanan.

Exodo 24:5

Kaybat mitubud yang mapilan a kayanakan a lalaki ban duluk karing ain para king Ginu at miyain mapilan a baka bilang ain-sakripisyung-pisulusuluan.

Exodo 29:18

Dulukan me ing lalaking tupa king altar bilang ain-a-kakanan. Babie tula kanaku, ing Ginu, ing bau na niti.

Exodo 29:4

Ituki me i Aaron at ding anak na king lele na ning pasbul ning Toldang tuknangan ku at karin mu parapat ing seremonia ning pamaglinis.

Exodo 29:42

Sukat gampanan alang patugut iti king sablang panaun bilang ain-a-durulukan king arapan ku keta king tulid ning pasbul ning Toldang tuknangan ku. Karin ke pakitagpuan ing balen ku at karin ku makipagsalita kekayu.

Exodo 32:6

Inyang kabukasan, maranun lang migdalang mapilan a animal ban dulukan da bilang ain-sakripisyu at mapilan a kanan da bilang ain-ning-pamisulusulu. Linukluk la ding tau; misulusulu lang mengan at mininum. Iti minuling metung a pamaglasing at pamagpasasa king pamitan na ning laman.

Exodo 35:21

at ing balang metung a metagkil a pusu migdala yang ain king Ginu para king pangagawa na ning Toldang tuknangan ning Ginu. Dela ra ing sablang kailangan para king pamanyamba at para king pamangawa karing imalan a isulud da ring pari.

Exodo 35:29

Inatad da ring sablang memalen na ning Israel a maki pusung maganaka ing babie da king Ginu para king obrang pagawa na kang Moises.

Exodo 35:5

Munie kayung ain para king Ginu. Ing ninumang matulang tupad kaniti sukat yang magdalang ain a gintu, pilak o kaya tangsu;

Exodo 36:3

Tinggap da ngan kang Moises ing sablang ambag a inatad da ring Israelita para king pangagawa na ning sagradung Tolda. Sindu ra ding memalen na ning Israel ing magdalang ambag kang Moises balang abak.

Exodo 38:1

Ginawa yang altar king dutung a akasia para king pidurulukan ain. Kuadradu ya; pitu ya't kapitnang talampakan king kaba, at pitu ya't kapitnang talampakan king lapad, at apat ya't kapitnang talampakan king katas.

Isaias 1:11

Sasabian na keka, Isipan mu galang ing tutula ku karing ain-sakripisyu a alang patugut mung yayain kanako? Sinawa na ku karing tupang kekang durulukan bilang ain, antimu rin ing taba da ring pepataba mung animal. E ku tutula king daya da ring toro, tupa, at kambing.

Ezekiel 20:40

Ketang lugal a ita, king bunduk kung banal, ing matas a bunduk ning Israel, ikayung sablang memalen ning Israel samban yu ku. Tumula ku kekayu at panayan ku ing pagdala yu kung ain-sakripisyu, ding pekamasanting a ain at ding banal yung regalu.

Ezekiel 40:39

Keting kuartung palub ating aduang lamesa king misusumangid. Karin da la papaten ding animal a miyain ban dulukan, ding ain-a-kapamayaran-king-kasalanan o ding ain-a-kapaglarinan-king-kasalanan.

Levitico 1:10

Neng miyayain yang tupa o kambing a durulukan ing ninuman, kailangan ing lalaki ya at ala yang dipektu.

Levitico 14:10

King kawalung aldo magdala yang aduang biserung lalaking tupa at metung a biserung babaing tupa a pawang pabanua tua at alang dipektu, limang litrung arinang singkapan larung olibo, at kapitnang litrung larung olibo.

Levitico 16:7

Kaybat na nita, idala na la ring aduang kambing king tulid nang pasbul ning Toldang tuknangan ku, ing Ginu.

Levitico 17:4

at e king tulid ning pasbul ning Toldang tuknangan ku, ing Ginu, mikasala ya at sukat yang itiwalag king balen ku.

Levitico 17:8

Ing ninumang Israelita o dayuan a kayabe ra a miyain ain-a-durulukan o nanumang sakripisyu

Levitico 17:9

nu man karin subali mu king tulid ning pasbul ning Tolda, itiwalag ya king balen ku.

Levitico 23:12

King aldo iyain ya iting binutil, magdala kayu namang metung a lalaking tupa a pabanua tua at alang dipektu bilang ain-a-durulukan.

Levitico 23:18

Kayabe ning tinape magdala kayu namang pitung biserung tupa a pabanua tua, metung a toro, at aduang kambing. Sukat lang alang dipektu reti. Iyain la reti bilang ain-a-durulukan a kayabe ning ain-a-binutil at alak. Babie tula kanaku, ing Ginu, ing bau na niti.

Levitico 3:1

Nung ing yayain ning ninuman metung yang ain-ning-pamisulusulu, iyain ne ing metung karing toro o baka na, at sukat ing ala yang dipektu.

Levitico 4:15

Itumpak da la ring gamat da ring manimuna na ning balen king buntuk ning toro, at kaybat paten de karin mu rin.

Levitico 4:23

kabud meyaus ya pansin tungkul king pamikasala na, sukat yang magdalang metung a kambing a lalaki a alang dipektu bilang ain na.

Levitico 4:3

Nung ing mikasala ya ing Pamuntuk da ring Pari at uli na niti midame la ding tau king pamikasala na, sukat yang miyain biserung toro a alang dipektu, at iyain ne iti kanaku, ing Ginu, para king kasalanan na.

Levitico 4:32

Nung ing iyain na ning ninuman para king kasalanan na metung yang tupa, sukat ing babai ya ing tupa at ala yang dipektu.

Levitico 5:15

Nung ating mikasala king e na sasarian a antimo ing e na pamamie ketang bage sagradu a mangaintulid kanaku, ing Ginu, sukat yang magdalang metung a lalaking tupa o lalaking kambing a alang dipektu bilang ain-a-kapaglarinan-king-kasalanan kanaku. Makayagpang ing alaga na ning animal king timbangan ning santuaryu.

Levitico 5:18

Kailangan ing idala ne king pari ing metung a lalaking tupa o lalaking kambing a alang dipektu. Makayagpang ya ing alaga na ning animal king timbangan ning santuaryu. Iyain ne iti ning pari para king pangapatawaran na ning kasalanan na ning mikasala, at mipatawaran ya.

Levitico 6:2

Mikasala ya ing ninuman nung ilingad ne ing bage a penilas da keya o e tinupad king kasunduan o menako ya o kaya migsamantala ya king kalupa nang tau

Levitico 6:8

Ngana pa ning Ginu kang Moises,

Levitico 7:16

Nung miyain yang ain-ning-pamisulusulu bilang pamanupad king panata na o kaya ain yang kusa nang babie, e ya sukat pakigisanan ing anti kaniting ain itang aldo miyain ya, pero malyari yang kanan ing mitagan itang kabukasan.

Levitico 8:18

Kaybat na nita, kinua neng Moises ing lalaking tupa para king ain-a-durulukan. Timpak na la ring gamat nang Aaron at ding anak nang lalaki king buntuk na ning lalaking tupa.

Levitico 8:21

At kaybat nang meluglug ning laman lub at ding bitis, dilukan neng Moises ing kabilugan a lalaking tupa. Iting ain-a-durulukan metung yang ain-a-pamangan; babie tula kanaku, ing Ginu, ing bau na niti.

Levitico 9:2

Nganang sinabi kang Aaron, Kuma kang metung a biserung toro at metung a lalaking tupa a parehung alang dipektu. Iyain me ing biserung toro bilang ain-a-kapamayaran-king-kasalanan at ing lalaking tupa bilang ain-a-durulukan.

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Malakias 1:14

Dugpa ing sumpa king mapamirait a miyayain kanakung animal a alang kwenta, ngening atin yang animal a alang dipektu karing sese na a pengaku nang ibie kanaku! Uling metung kung aring marangal, at tatakut la kanaku ding sablang tau ning yatu.

Ding Bilang 15:3

munie kayung ain kanaku. Miyain kayung ain-a-durulukan a ibat karing sese yung animal o ain-sakripisyu o ain a sarili yung kusa o ain neng piesta bilang pamanupad king panatang gewa yu. Babie tula kanaku, ing Ginu, ing bau da reting ain.

Ding Bilang 15:8

Potang iyain ne king Ginu ing toro bilang ain-a-durulukan o bilang pamanupad king panata o bilang ain-ning-pamisulusulu,

Ding Bilang 19:2

Iti kautusan ya at tuntunan a patupad ku. Iyutus yu karing memalen na ning Israel ing magdala la kekayung baka a kule malutu a alang dipektu at e pa mipasuluranan paud.

Ding Bilang 23:19

E ne kalupa ning tau ing Dios, uling ing tau maglaram ya at pabayubayu kaisipan. Itang sasabian ning Dios daraptan na, at ing pengaku na tutuparan na.

Ding Bilang 23:27

Kanita nganang Balak, Tara, tuki ka kanaku king aliwang lugal; pota karin ya mabisa ing Ginu ban isumpa mu la para kanaku.

Ding Bilang 23:3

Kaybat, nganang Balaam kang Balak, Talakad ka siping na ning kekang ain-a-durulukan; mako ku saguli at lawan ku nung pakitagpuan na ku o ali na ku ning Ginu. Sabian ku keka ing nanumang ipabalu na kaku. Inya minta yang dili na ketang matas a lugal.

Ding Bilang 23:30

Depat nang Balak itang kayaduanan nang Balaam. Miyain yang metung a toro at metung a lalaking tupa king balang altar.

Ding Bilang 28:11

King mumunang aldo ning balang bulan miyain kayung ain-a-durulukan kanaku, ing Ginu. Ini ing iyain yu: aduang biserung toro, metung a lalaking tupa, at pitung lalaking tupa a pabanua tua. Sukat la ngang alang dipektu.

Ding Bilang 28:19

Miyain kayung ain-a-durulukan bilang ain-a-pamangan king Ginu: aduang biserung toro, metung a lalaking tupa, at pitung lalaking tupa a pabanua tua. Sukat la ngang alang dipektu.

Ding Bilang 28:31

Sukat la ngan alang dipektu reti. Iyain yu iting at ning ain-a-inuman subali pa karetang aldo-aldo ain yu.

Ding Bilang 29:13

King mumunang aldo miyain kayung mabanglung ain-a-durulukan para king Ginu: labing atlung biserung toro, aduang lalaking tupa, at labing apat a lalaking tupa a pabanua tua. Sukat la ngang alang dipektu.

Ding Bilang 29:2

Miyain kayung mabanglung ain-a-durulukan para king Ginu. Ini ing kekayung iyain: metung a biserung toro, metung a lalaking tupa, pitung lalaking tupa a pabanua tua a alang dipektu.

Lucas 1:35

Pekibat na ning anghel, Datang ya keka ing Banal a Espiritu at lilungan na ka ning upaya na ning Dios. Uli na niti, mayaus yang Anak ning Dios ing banal a anak a mibait keka.

Juan 1:36

Ikit neng lalabas i Jesus at nganang sinabi, Oyan ing Kordero na ning Dios!

Juan 10:7

Inya pasibayu nang sinabing Jesus karela, Ing katutuan sasabian ku kekayu: Aku ing pasbul na ning kural da ring tupa.

Juan 10:9

Aku ing pasbul. Miligtas ya ing ninumang lungub king kapamilatan ku. Malaya yang lungub at lual at makatagpu yang pastulan.

2 Corinto 8:12

Uling nung laus king lub yu ing pamamie, tanggapan na ning Dios ing kekayung kagiwan; e na panenayan ing munie kayu king e yu agyu.

2 Corinto 9:7

Ing balang katau kailangan yang munie ketang inari na king lub na, laus a lub at e mapipilit, uling kaluguran ne ning Dios ing taung matulang babie.

Efeso 2:18

Uli nang Cristo, parehu tamung mekalapit king Ibpa king kapamilatan na ning metung a Espiritu.

Efeso 5:27

Depat na iti ban miyarap ya king sarili na ing iglesia a mitmung leguan, alang dungis o kulumpis nanuman, banal at alang kapintasan.

Deuteronomio 12:27

Ding ain-a-durulukan, ing laman at daya iyain la king altar ning Ginung kekayung Dios. Itugtug ing daya king altar, at malyari yung kanan ing laman.

Deuteronomio 15:21

E yu la yayain king Ginung kekayung Dios, nung atin lang dipektu deting animal, nung pile la o bulag o masakit.

Deuteronomio 17:1

E yu la yayain bilang ain-sakripisyu king Ginung kekayung Dios ding ating dipektung baka o tupa uling iti makasumami king Dios.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.

Hebreo 9:14

lalung maygit e palak kaniti ing arapat na ning daya nang Cristo a king kapamilatan na ning Espiritung alang angga inain na ing sarili na bilang ganap a sakripisyu king Dios. Ing daya na ya ing makalinis karing pusu tamu at kaisipan ban manibat king sablang dapat a alang kabaldugan asuyuan ta ya ing Dios a mabie.