Levitico 1:2 - Ing Mayap a Balita Biblia

² Moises, sabian mu iti karing Israelita: Ing karapatdapat a iyain neng mamain kayu kanaku, ing Ginu, ya ing baka, tupa o kaya kambing.

Levitico 1:2 Iomraidhean Croise

Genesis 4:3

Dinatang ing aldo at i Cain migdala yang aibie na king Ginu ibat king bunga na ning gabun.

Genesis 4:5

Oneng e ya metula kang Cain at king ain a darala na. Mimua ya i Cain at meslam ya lupa.

1 Cronica 16:29

Purian ya ing maligaya nang lagyu; malaus kayu king bale na at ain ibie keya. King banal a gayak samban ya ing Ginu.

Ezra 3:5

Karagdagan kaniti, inain da la ring aldo-aldo ain at kusang lub a ain para king Ginu. Gimpanan da la ngan ding piestang tikda ning Ginu antimo neng Piesta ning Bayung Bulan.

Exodo 20:24

Igawa yu kung altar a gabun at babo na niti iyain yu la kanaku bilang ain ding tupa yu ampon baka. Iyain yu la bilang ain-a-durulukan at ain-a-pisulusuluan. Datangan da kayu, at bendisyunan king balang lugal a ituldu ku para king pamanyamba yu kanaku.

Ding Bilang 15:3

munie kayung ain kanaku. Miyain kayung ain-a-durulukan a ibat karing sese yung animal o ain-sakripisyu o ain a sarili yung kusa o ain neng piesta bilang pamanupad king panatang gewa yu. Babie tula kanaku, ing Ginu, ing bau da reting ain.

Ding Bilang 5:15

kanita idala ne ing asawa na king pari. Magdala yang aduang takal a arinang sebada a e na tigtugan larung olibo at e na dininan insenso, uling iti ain ne ning lalaking magsuspetsa king asawa na ban lunto ing katutuan.

Ding Bilang 7:15

Minain ya namang metung a biserung toro, metung a lalaking tupa, at metung a lalaking tupa a pabanua tua bilang ain-a-durulukan.

Marcos 7:11

Oneng ikayu tuturu yu, Agyamang atin yang nanumang asaup ing metung a tau kang tata na o kaya kang ima na, nung sabian na karela: Iti Corban (ngana wari, iti mitalaga na king Dios),

Roma 12:1

Inya, kapatad ku, king uli na ning maragul nang lunus ning Dios kekatamu, ipakisabi kung mayap kekayu: samban ye king kapamilatan na ning pamiyain yu karing kekayung katawan bilang mabie at banal a ain, tune babie tula king Dios. Iti ya ing tune kapanyamban a kailangan yung iyain keya.

Roma 12:6

Atin tamung miyayaliwang kagiwan agpang king binie na ning Dios king balang metung. Nung ing kagiwan a tinggap mu ya ing maging talapagsalita na ning Dios, ipanaral mu ing amanu na ning Dios agpang king kasalpantayanan a atyu keka,

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.