Levitico 1:14 - Ing Mayap a Balita Biblia

¹⁴ Nung miyayain yang ayup a dulukan ing ninuman, batu-batu o kaya pitsun ing idala na.

Levitico 1:14 Iomraidhean Croise

Genesis 15:9

Pekibat na ning Ginu, Pagdala mu kung metung a baka, metung a babaing kambing a atlung banua, at metung a lalaking tupa a atlu munamang banua, metung a batubatu, at metung a pitsun.

Levitico 12:8

Nung e ne agyung iyain ing metung a biserung tupa, malyari yang magdalang kaparis a patipati o kaya kaparis a batu-batu; metung para king ain-a-durulukan at ing metung para king ain-a-kapamayaran-king-kasalanan. Gampanan ne ning pari ing seremonia na ning pangapatawaran a makalako king panga-dinatan na ning babaing ibat menganak. Kaybat na nita, maging malinis ne.

Levitico 5:10

Kaybat na nita, iyain ne ing kaduang ayup bilang ain-a-durulukan, agpang karing tuntunan. Makanyan neng iyain ning pari para king pangapatawaran na kasalanan ning mikasala, at mipatawaran ya.

Levitico 5:11

Nung e na la pa mu rin agyung iyain ning ninuman ding aduang pitsun o ding aduang batu-batu, sukat yang magdalang atlu ampon kapitnang litrung mapinung arina bilang ain-a-kapamayaran-king-kasalanan. E na sasamutanan larung olibo o insenso, uling iti metung yang ain-a-kapamayaran-king-kasalanan.

Levitico 5:7

Nung e ne agyung iyain ning ninuman ing metung a tupa o kambing, miyain yang aduang pitsun kanaku, ing Ginu, o kaya aduang batu-batu bilang kapamayaran king depat nang kasalanan. Miyain ya ing metung karing ain-a-kapamayaran-king-kasalanan at ing metung bilang ain-a-durulukan.

Mateo 11:29

Pusanan ye ing paud ku at magaral kayu kanaku uling mamu ku at mababa lub, at manakit kayung kapaynawan.

Mateo 21:12

Tinaglus ya king Templo i Jesus at penabi na la ngan ding sablang mamisali at maniali karin; penuag na la ding lamesa da ring maglibe salapi at ding luklukan da ring mamisaling patipati.

Lucas 2:24

At minta la naman karin ban miyain ain-sakripisyu antimo ing yuyutus na ning kautusan ning Ginu: kaparis a batubatu o kaya aduang pitsun.

2 Corinto 8:12

Uling nung laus king lub yu ing pamamie, tanggapan na ning Dios ing kekayung kagiwan; e na panenayan ing munie kayu king e yu agyu.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.