Levitico 1:13 - Ing Mayap a Balita Biblia

¹³ Luglugan na ning miyayain ing laman lub ampon ding bitis ning animal, at ing pari ya ing miyain kareti king Ginu at dulukan na ngan king altar. Babie tula kanaku, ing Ginu, ing bau na niting ain-a-pamangan.

Levitico 1:13 Iomraidhean Croise

Genesis 8:21

Ngana ning Ginu king lub na inyang abau na ing mabanglung ain, E ku ne kapilan man isumpa ing yatu uli na ning gagawan ning tau. Tutu pin ing makayungyung ne ing pusu na ning tau king e mayap manibat na king kayanakan na. E ku na la gisanan paten kapilan man ding mabie antimo ing gewa ku.

2 Cronica 4:6

Pepagawa ya namang apulung palangganang pipanuasan, ding lima para king dane mauli la at ding lima para king dane norti la. Keti da la wawasan ding dake da ring animal a ain-a-durulukan. Itang danum king maragul a kawa ya ing gamitan da ring pari king pamanos da.

Ezekiel 40:38

Ating kuartung makatuglung king patyung atyu king lual; makataid ya iting suglung king pidadalanan kilub dane norti. Tataglus ya king kuartung palub arap ning patyu nung nu da la lilinisan ding bangke da ring animal a miyain bilang ain-a-durulukan.

Levitico 1:9

Luglugan na pa mu ning miyayain ing laman lub at ding bitis ning animal bayu ibili king altar. Ing pari ya ing duluk kabilugan kaniting ain king altar. Babie tula kanaku, ing Ginu, ing bau na niting ain-a-pamangan.

Levitico 2:11

E sukat misamutanan lebadura ing isanu pa man karing ain-a-binutil a yayain yu; e kayu misasamut lebadura ni pulut-panilan king yayain yu.

Levitico 2:2

at kaybat idala na karing pari a anak nang Aaron. Ing paring mangasiwa ya ing kumang kasakmal king arina at ing laru ampon ing sablang insenso a atyu babo na ning arina ban dulukan na king altar bilang tanda ning e na pamangalinguan at bilang mabanglung ain kanaku, ing Ginu.

Levitico 3:5

Ding pari ilang duluk ngan kaniti potang mibili na king altar kayabe ning aliwa pang ain-a-durulukan. Babie tula kanaku, ing Ginu, ing bau na niting ain-a-pamangan.

Levitico 4:31

Kaybat na nita, kuanan na ing sablang taba, antimo nung makananung lalako ing taba ning animal a pete para king ain-ning-pamisulusulu. Idala na iti king altar at karin na dulukan. Babie tula kanaku, ing Ginu, ing bau na niti. Iti ya ing daptan na ning pari ban mipatawaran ya kasalanan ing taung karaniwan, at mipatawaran ya.

Levitico 6:14

Ila naman deti ring tuntunan tungkul king ain-a-binutil. Ding pari a anak nang Aaron ilang malyaring miyain kaniti king altar ku, ing Ginu.

Levitico 8:21

At kaybat nang meluglug ning laman lub at ding bitis, dilukan neng Moises ing kabilugan a lalaking tupa. Iting ain-a-durulukan metung yang ain-a-pamangan; babie tula kanaku, ing Ginu, ing bau na niti.

Ding Bilang 15:3

munie kayung ain kanaku. Miyain kayung ain-a-durulukan a ibat karing sese yung animal o ain-sakripisyu o ain a sarili yung kusa o ain neng piesta bilang pamanupad king panatang gewa yu. Babie tula kanaku, ing Ginu, ing bau da reting ain.

Ding Bilang 15:4

Itang munie ain bilang sarili nang regalu king Ginu, sukat neng abayanan ain-a-binutil: apat a litrung mapinung arina a sinamut king larung olibo at

Ding Bilang 28:11

King mumunang aldo ning balang bulan miyain kayung ain-a-durulukan kanaku, ing Ginu. Ini ing iyain yu: aduang biserung toro, metung a lalaking tupa, at pitung lalaking tupa a pabanua tua. Sukat la ngang alang dipektu.

Ding Bilang 28:8

Iyain ya ing kaduang tupa neng sisilim na at ing ain-a-pamangan ampon ain-a-inuman. Dulukan munaman iti at babie tula kanaku, ing Ginu, ing bau na niti.

Deuteronomio 12:27

Ding ain-a-durulukan, ing laman at daya iyain la king altar ning Ginung kekayung Dios. Itugtug ing daya king altar, at malyari yung kanan ing laman.