Levitico 1:11 - Ing Mayap a Balita Biblia

¹¹ Paten ne iti king dane nang norti ning altar at isabug da ring pari ing daya ning animal king paligid na ning altar.

Levitico 1:11 Iomraidhean Croise

Exodo 24:6

Kinua nang Moises ing kapitna king daya, at binili na karing mangaragul a datukanan. Sinabug na king altar ing mitagan.

Exodo 40:22

Linub ne king Tolda ing lamesa, king dane norti, lual na ning tabing,

Ezekiel 43:18

Kaybat na nita, ngana kanaku ning Ginung Dios, Anak ning tau, makiramdam ka king sabian ku keka. Potang megawa ne ing altar, italaga me kanaku king kapamilatan na ning pamanduluk karing ain-sakripisyu at pamipisik king daya da ring animal a miyain bilang ain-sakripisyu.

Ezekiel 8:5

Ngana kanaku ning Dios, Anak ning tau, lumawe ka banda king norti. Linawe ku at karin king lele ning altar kilub ning pasbul dalan king dane norti ning Templo ikit ke ing larawan a babie pamangalalu king Dios.

Levitico 1:5

Karin ne paten ing baka at ding pari a anak nang Aaron ilang miyain king daya kanaku, ing Ginu, at kaybat isabug da iti king paligid na ning altar, lele nang pasbul ning Tolda.

Levitico 14:13

Paten ne kanita ing biserung tupa king banal a lugal nung nu ra la papaten ding animal a miyayain para king ain-a-kapamayaran-king-kasalanan ampon ding para karing ain-a-durulukan. Daptan na iti uling ing ain-a-kapaglarinan-king-kasalanan anti ya king ain-a-kapamayaran-king-kasalanan, mangaintulid ya king pari. Iti metung a bage sagradu.

Levitico 4:29

Itumpak ne ing gamat na king buntuk ning kambing, at saka ne paten karin king dane nang norti ning altar nung nu ra la papaten ding animal a miyayain bilang ain-a-durulukan.

Levitico 6:25

Sabian mu kang Aaron at karing anak nang lalaki king deti naman ila ring tuntunan tungkul karing ain-a-kapamayaran-king-kasalanan. Sukat yang paten ing animal a magamit king ain-a-kapamayaran-king-kasalanan king dane nang norti ning altar nung nu ra la papaten ding animal para karing ain-a-durulukan. Iti metung yang ain a tune banal.

Levitico 7:2

Ing animal a iyain para bayaran ing kasalanan sukat yang paten king dane nang norti ning altar nung nu ra la papaten ding animal para karing ain-a-durulukan. Sukat isabug ing daya king paligid ning altar.

Levitico 8:19

Kaybat pete neng Moises ing tupa. Sinabug na ing daya king paligid na ning altar.