Levitico 1:10 - Ing Mayap a Balita Biblia

¹⁰ Neng miyayain yang tupa o kambing a durulukan ing ninuman, kailangan ing lalaki ya at ala yang dipektu.

Levitico 1:10 Iomraidhean Croise

Genesis 4:4

I Abel naman migdala yang metung karing pangane biseru karing tupa na, at inain na ing masanting diling dake. Metula ya ing Ginu kang Abel at king daralan nang ain.

Genesis 8:20

Kaybat na nita, mitalakad yang altar i Noe para king Ginu. Kinangwa yang tunggal-tunggal karing animal ampon ayup a malinis, at kaybat inain na la at dilukan babo na ning altar.

Exodo 12:5

Malyari kayung mamiling metung a tupa o kaya metung a kambing, oneng kailangan king lalaki ya at pabanua tua, at ala yang kapansanan.

Ezekiel 43:22

King kaduang aldo, iyain me ing lalaking kambing a alang dipektu para ain-kapatawaran-king-kasalanan. At sukat yang madalise ing altar kalupa na inyang miyain ya ing toro.

Levitico 14:10

King kawalung aldo magdala yang aduang biserung lalaking tupa at metung a biserung babaing tupa a pawang pabanua tua at alang dipektu, limang litrung arinang singkapan larung olibo, at kapitnang litrung larung olibo.

Levitico 16:3

Oneng malyari yang lungub king Kabanal-banalan a Lugal pota mung kaybat nang mekayain metung a biserung toro bilang ain-a-kapamayaran-king-kasalanan, at metung a lalaking tupa bilang ain-a-durulukan.

Levitico 16:5

Dinan ne ning balen Israel aduang kambing a lalaki i Aaron bilang ain-a-kapamayaran-king-kasalanan at metung a lalaking tupa bilang ain-a-durulukan.

Levitico 22:19

lalaking baka o tupa o kambing ing idala na. Sukat yang alang dipektu ban maging karapatdapat ya.

Levitico 23:12

King aldo iyain ya iting binutil, magdala kayu namang metung a lalaking tupa a pabanua tua at alang dipektu bilang ain-a-durulukan.

Levitico 3:1

Nung ing yayain ning ninuman metung yang ain-ning-pamisulusulu, iyain ne ing metung karing toro o baka na, at sukat ing ala yang dipektu.

Levitico 4:23

kabud meyaus ya pansin tungkul king pamikasala na, sukat yang magdalang metung a kambing a lalaki a alang dipektu bilang ain na.

Levitico 4:3

Nung ing mikasala ya ing Pamuntuk da ring Pari at uli na niti midame la ding tau king pamikasala na, sukat yang miyain biserung toro a alang dipektu, at iyain ne iti kanaku, ing Ginu, para king kasalanan na.

Levitico 5:15

Nung ating mikasala king e na sasarian a antimo ing e na pamamie ketang bage sagradu a mangaintulid kanaku, ing Ginu, sukat yang magdalang metung a lalaking tupa o lalaking kambing a alang dipektu bilang ain-a-kapaglarinan-king-kasalanan kanaku. Makayagpang ing alaga na ning animal king timbangan ning santuaryu.

Levitico 9:2

Nganang sinabi kang Aaron, Kuma kang metung a biserung toro at metung a lalaking tupa a parehung alang dipektu. Iyain me ing biserung toro bilang ain-a-kapamayaran-king-kasalanan at ing lalaking tupa bilang ain-a-durulukan.

Malakias 1:14

Dugpa ing sumpa king mapamirait a miyayain kanakung animal a alang kwenta, ngening atin yang animal a alang dipektu karing sese na a pengaku nang ibie kanaku! Uling metung kung aring marangal, at tatakut la kanaku ding sablang tau ning yatu.

Ding Bilang 15:5

aduang litrung alak king balang metung a biserung tupa.

Ding Bilang 19:2

Iti kautusan ya at tuntunan a patupad ku. Iyutus yu karing memalen na ning Israel ing magdala la kekayung baka a kule malutu a alang dipektu at e pa mipasuluranan paud.

Ding Bilang 6:14

at ibie na ing ain na kanaku, ing Ginu: metung a lalaking tupa a pabanua tua a alang dipektu bilang ain-a-durulukan, metung a babaing tupa a pabanua munaman tua at alang dipektu bilang ain-a-kapamayaran-king-kasalanan at metung a lalaking tupa a alang dipektu bilang ain-ning-pamisulusulu.

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

1 Pedro 1:19

Meging malaya kayu king alang kalupang ulaga na ning sakripisyu nang Cristo a mengaring metung a biserung tupang alang dipektu o nanumang kapintasan.